Popular Bible Verses from II Timothée 2

Share

Ewe Timothée, gényôga gôéétsô na Nzambé ôséngu ôétsô môyanzani asaba na tsoyi gô éyanzee éedi gôébégô eekéda ti kuanakue Mane Mamavovo Nzambé mandé n’edi.

Tôngonéa pita pita na mane meenda akoo gô tsôvé yonzambu, mbe ôbusuga mangô. Wesea gôédigaa gétsumé Nzambé paga. Odigaa gô étsimama na gô étondo éapie na gétabé. Ovamba n’ane andé na mitéma mimagôgéani gôéneegeda Kumu Nzambé.

Tambô môyanzi aKumu Nzambé asasaganéda na môma. Buedi mbe abaké na gényônga n’oma muetso, na abaké ngu gôéékéda kuka yetso na môvinéné.

Buéyé mbe we te oma agébé na mavôma Angô te Kumu amavôma. Gôébégô angô asangoongôa épenganéda mônongoe wedi.

Gôndé ane atsuma meekédu medi paga, buedi mbe anigôé na gényônga gébé n’opisa. Vane mavooe Nzambé angayanza gôékoa atsumie apaga mitémamie, n’ahngô angatsiga émenya mane mandé mapie.

Gônga masaganédame mabobo gôétongonéa na mangô, mapengana na nzéa éaNzambé. Ane avovonédana gô mangô, mapengana na nzéa éaNzambé. Ane avovonédana gô mangô awesea kuka yetso pesu pesu na gô nzéane ématatôana ahngô na Nzambé.