Popular Bible Verses from I Jean 5

Share

T’ebandô tôndé na mitéma mimasumani gébé na paga gô éne éduka wa n’anyô Nzambé. Tsoongone éasô n’anyô te mbe, Nzambé asinga miduké miasô n’anyô vatôduka éne ényôngéô amuene Nzambé.

Vatômenya mbe angô ookô miduké miasô n’anyô tômenye dôta mbe angô angatôétsa éne étodukani.

Menyani mbe éne étubéda mbe wa n’anyô tônyôngéô Nzambé te gôtôkenea mitôma na mige miedi. Na miangô misaba mbe midaga pepe gôndé wa n’anyô. Gôébégô mbe ana aNzambé muetso ag’ôbôtu andé na ngudi yediia gô ébadi égenyahngô na mane matsengene. ?Tôdiia nayee? Tôdiia te gôétsa wa n’anyô Nzambé mitéma miasô n’anyô gémôtsumé paga.

One andé na Jésus Muana ANzambé gô môtémedi andé na monyo. One asaba na Jésus Muana ANzambé gô môtémedi asaba na monyo.

Nanôtendéa mabégô mema gôndé anye nômeetsa Jésus Muana ANzambé mitéma mianyô mietso te anye nôsabômu mbe nôndé na monyo amôbô na môbô.

Wa n’anyô tôsabômu mbe muana aNzambé ag’ôbôtu asangoongôa éomba éénda mabégô mabévani n’osôbedi. Gôébégô Jésus Muana ANzambé akenea angô, na amuene Môbévine asangoongôa étsôpa angô.