Popular Bible Verses from Yihokora 3

Share

Mone, Ame ne nemana pathero. No Yame na kukun̂ura. Ngeshi gha yuve ghumweya diywi dyange no kuyandhurura thero, na kwingena kukwendi. Ho ni kuyarekere nendi, naye ho gha dye Nange.

Na dimuka yirughana yoye eshi: Owe ne kadi ghomutenda no kadi ghomughenyu. Ngo ghomutenda ngambi ghomughenyu ngo hasha. Apa no ne yoyishi wa rembuka no kadi ghomutenda no ghughenyu temba. Yo sho ni kuthipe mukanwa kange.

Wahe wa na haka na kuwahumbitha nomamwashwero. Mu dhidhimeke no mupiruka.

Na dimuka yirughana yoye. Ngo mone eshi, na thighi dikorogho dyothiyahi kukoye no mbadiko yu gha kona kudiyandhera. Ngambi kenge wa kara nongcamu dhodhipu, ene wa kunga n̂ando dhange no mbadi wangera Dina dyange.

Koyu ghokuwitha mbona mu tawedha kukuhungumana pofotji Nange padipuna. No thika di na witha Me, ho na hungumana pofotji naTate padipuna.

Yoyi ghuna ninganga eshi: No mutungi na tungerera. Mbadiko ethi na kunyanda. Ene mbadi wa dimuka eshi, owe ne ghomukakunyanda. No wa yawa thin̂eke, ghomuhepwe, ghomukunga no wa kara nowira.

Yoyishi wa kunga n̂ando dhange ghukon̂otwedha. Name karo mbona kukungu kumayerekero agha mbo gheya mukaye kokahe kwawa ha tunga mo.

Kenge, tamba niye. Kwate eyi ghudi nayo, papire yu sho gha kukurure n̂ata dhoye.

Pinduke no ghutanarithe awa hana thighara ko, awa ha nemana padipimbo dyokufa. Yoyishi na wana yirughana yoye eshi mbadi yina rikanya kughutho waNyambi.