Popular Bible Verses from Yihokora 22

Share

Yame Alfa no Omega, matangero no mahurero, mukakutanga no mamanithero.”

Ha ningi Jesusi eshi: “Mone, na kumu wanguwangu, no yiruwera ne kukwange yidi, eyi sho ni ruwere keheyu popayitenda yendi.

Mupepo namwenga, kuninga hana kuninga eshi: “Wiye!” Noyu ghana kuyuva yi, naye ghaninge eshi: “Wiye!” Mukakufa dinota, gheye; oyu ghana haka meyu ghomoyo, gheye na gha ghatumbure nyaranyara.

Hakaruvigha hakakutenda miragho dhendi, awo hana kuwana matawero ghokuthitondo thomoyo no ghokwingena mumakorogho ghombara.

Ha ningi Jesusi eshi: “Mone, tamba niye. Mukaruvigha mukakupungura man̂ando ghano ghoyipumba ghomurukwaro runo.”

Ghuthiku mbadi mbo ghu kara ko, no mbadi mba nyanda munyenge nothishe thodiyuwa temba, yoyi mbo ghana wa munekera Fumu Nyambi, no mbana pangura yira hafumu kate kuroruhe nororuheya.

Oyu ghana kunongonona yi, ghana kuninga eshi: “Shemwa, na kumu wangu‐wangu.” Kemo, wiye, Fumu Jesusi! Thin̂eke thakHekudyetu Jesus Kristusi, thi kare nenu mwaheya.

Yoyishi ame kuna kudimukitha kehe yu ghana haka kuyuva man̂ando ghoyipumba ghomurukwaro runo eshi: Ngeshi ghumweya ha wedherera payinu yino, mbo ghana muwedhererera Nyambi yinyandeka eyi ha tjanga murukwaro runo. No ngeshi ghumweya ha tundithapo thinu paman̂ando ghoyipumba yomurukwaro runo, mbo ghana mutepwera po naye Nyambi yomurukwaro romoyo noyomumbara dhokupongoka eyi ha tjanga murukwaro runo.