Popular Bible Verses from Yihokora 19

Share

Mu tu mu shamberere no tuyumbaghuke no tu mupe difumanekero. Yoyishi wenga waNdjwighana ne ghu neya. Nambuyama wendi ghana kuroghitha.

Pathishupata thendi no pambunda dhendi, pemana Dina eshi: “Fumu wawafumu noHekudya wawahekudya.”

Ha ni mono kwange diwiru dina yandhuruka, kokukara po mbi ghomukenu. Noyu gha hungumanine po, ha mu tire eshi Matjimapero no Ghushemwa. Ghana kupangura no kutuma yita mughuhunga.

Meho ghendi gha pitura yira maretha ghomudiro. Pamutwi wendi pa kara noman̂ata ghomengi. Ho gha kara noDina di ha tjanga eshi, mbadiko yu gha di dimuka, shimengwa Thinda. Gha pwire kuyenga nothivata ethi ha dhorire mumanyinga. Dina dyendi ne “Nando dhaNyambi.”

Mukanwa kendi, mwa shwaghire dimende dyoditwe, dyokukeshaghuritha marudhi. Ho mbo ghawa pangure nomutagha ghothikuvo no kudyata kakundhu kovinyu koghukore no ghukenya waNyambi ghomukangcamu.

Thishereka ne tha pwire kutwara mun̂otwa, namuporofeta ghombango, oyu gha tendire yiperemeka mudyango dyatho, eyi ya pemukithire wa ha karire nothidimukitho thothishereka no kukanderera kuthitjwandjo thatho. Hawadi ha pwire kuvukumena ghuyumi mudirara dyomudiro.