Popular Bible Verses from Yihokora 13

Share

Opa ne po wa rikanya ghunyanyami. Oyu gha kara nomaghano gha rikanyithe thitara thothishereka. Yoyishi thothitara thamunu. Thitara thendi ne mathere kwoko nodyofotji no makumi kwoko nodyofotji nokwoko nothofotji.

Hakapamuve wahe mba thi kanderere, no wahe wa ha dhira kupwa kutjanga mena ghawo murukwaro romoyo rwaNdjwighana yu ha pagherire, kumavarekero ghokaye.

Yo tha ghamberire eshi: Wahe hanuke nawakuru nawatungi, nawahepwe, nawakakupira n̂otwa nawapika, ha pwe kutareka nothidimukitho kumarudyo ghawo no patuhungupara twawo. Eshi, noyofotji temba oyu sha kone kughura ngambi kumughuritha. Shimengwa yu gha kara nothidimukitho ngambi dina dyothishereka ngambi thitara thokudina dyatho.

Noyu ha himena eshi ha mu pake mudorongo, yo gha kona kuyenda mo yoyo. Oyu ghokupagha muyendhendi nothimende, naye kumupagha nothimende. Eyi ne yoyinyanda pofotji mumatawero ghaMupepo ghoKupongoka.

Ha ni mono kwange thishereka thina kukanduka mudikuruviya. Mitwi dhatho kwoko nodhiwadi, nonyigha dikumi. Panyigha dhatho man̂ata dikumi. Gho ha thi tjanga pamutwi watho eshi mukakushedha Nyambi.

Ha thi pire karo ngcamu dhokutenda yita nawakakupongoka, no kuwawitha. Karo ha thi pire ngcamu dhokuraghura mako ghomahe no mandimi no marudhi.

Ko kupemukitha kwatho hakapamuve, nothitetukitho thi ha thi pire, kuthitunumeho thothishereka. Mukutongwera hakakaye eshi: Ha kone kutenda thitjwandjo, kuthishereka ethi tha remanine kuthimende no tha parire. Atho ha thi pire moyo ghokupaka muthitjwandjo thothishereka eshi thitjwandjo thi ne, mbo thi kone kughama. No mba pwe kupagha awa mba dhira kukanderera kuthitjwandjo thothishereka.

Ethi thishereka na monine, tha kara yira dihumbwa. Mapadhi ghatho yira didjidjikwe. Kanwa katho yira ko nyime. Dikongoro dya tapire kukwatho ngcamu no dipuna no ghuraghuri ghoghukuru.

Natho ha thi pire muyaya ghoghukuru, ho tha yaghurire mushedho ghokwaNyambi. Ha thi pire ngcamu dhokutenda yi, ghure ghotughonda makumi mane notuwadi.

Ame na moni ne mutwi ghopamitwi dhatho ghuna remana. Thiremana thi, tha pwire kwirukitha. Kaye kokahe ka yendire ghutetuka, munyima dhothishereka.

Na monine thishereka thimweya ethi thina kuvumbuka mumuve. Tha kara nonyigha dhiwadi yira Ndjwighana no kughamba yira dikongoro. Ho tha hokorire ngcamu dhodhihe yira thishereka thokutanga kughutho watho. Tha tendire eshi, muve nawa ha tunga po, ha kanderere thishereka thokutanga, ethi tha porire ghurema watho.