Popular Bible Verses from 2 Hakatesalonika 2

Share

Mbadiko munu yu gha kona kumupemukitha pamuhingo ghumweya karo. Yoyishi, diyuwa dyaFumu, mbadi mbo diya kughutho ghomayowero ghawa ha nyenga Nyambi, nawanu wa hapira muragho ha wa turekera kufa kokuyi.

Mwayendhetu, tu kone kumutumera Nyambi roruhe mumwenu. Fumu ne gha mu haka. NaNyambi gha mu torora eshi, mu kare nomaghamweno kutunda kumatangero. Amwe ne mwapwa kughamwena. Yoyishi, Mupepo wa mu pongwera kukwendi no yoyi mwa tawa kughushemwa.

Aye mbo ghana nyatha yoyihe yoGhunyambi, ngambi yoghupongoki yi ha fumaneka, aye mbo hana mu yeyura kupiterera wahe. Mbo ghana kakutura mutembeli waNyambi no kukutoya eshi yene Nyambi.

Gha mu tanarithe Nyambi, muyoyihe yoyihunga muman̂ando no muyitenda, paHekudyetu Jesus Kristusi, ghoWihetu. Aye gha tu neghedhire ruhakitho no gha tupire mahengawero ghendi, ghororuheya nomakurupero ghomawa pathin̂eke thendi.

Po ghawa pererire karo Nyambi ngcamu dhomayongarero eshi, mbo ha tawe kumbango.

Mwiyero wamuyi, mbo ghuneya nongcamu dhaShatani, gha kuna neghe mangcamu ghendi noyidimukitho yombango noyitetukitho yayo‐nayo. No ghawaghombekire noghukenya awa ha yongara. Pamurandu ghokudhira kutawa ghushemwa wo, no mbadi ha tawire kumaghamweno ghawo.

Ngcamu dhoghudhindo edhi dhapira muragho, kare dha tanga kurughana mughudhindo. Ene yu gha shwena mukakupira muragho, yo sho gha kone kushwagha mundhira pakutanga.