Popular Bible Verses from 2 Petrusi 3

Share

Fumu, mbadi gha kara maranga mukurikanyitha matoyedhero ghendi. Thika di hana kuyighayaranga hanu hamweya. Mbadi kemo, Aye ne mudhughutjima kukwenu. Yoyishi, Aye gha hima eshi mbadiko ghopapenu yu mbo gha yongara. Karo gha haka eshi ngo ha kona kupiruka wahe.

Thinu thofotji ne, mbadi mwa kona kuthivurama, mwahakwa: Yoyishi kwaFumu, diyuwa dyofotji ne yira myaka diyovi, myaka diyovi ne yira diyuwa dyofotji.

Mu koneke eshi, n̂eke noghudimuka Fumu no Mushuturi wetu Jesus Kristusi, yivure mumwenu. Kukwendi ghufumu pashadyarero kate kuroruheya! Amen.

Ene diyuwa dyaFumu, mbo di neya muvindjwera yira mwidi. No mudiyuwa di mbo dina dhongonoka diwiru nomudikitero ghoghukuru. Mashani ghodiwiru, mbo ghana runguna no mbo gha nan̂a. Muve no yoyihe yi ya kara po, mbo yina dhongonoka.

Ene apa mbo yipwa yinu yoyiheya yi, mwa kona kuyapa Nyambi thikuma, no kukutapa kukwendi mumoyo wenu ghoghuhe. Mu pare mughutaterera eshi, diyuwa dyaNyambi ne dina kumu, no mu kwinduke kudiyuwa edi mbo dyan̂a diwiru kumaretha no pakuhoghoroka mashani ghodiwiru.