Popular Bible Verses from 1 Hakatesalonika 5

Share

Mu shamberere roruheya. Mu raperere rwingi. Mu kare muyinu yoyiheya ghutumera. Yoyishi, yo gha tu taterera Nyambi kukwenu mwaKristus Jesusi.

Nyambi ghodivetu‐vetu dyothiraro thothihe. Gha mupe ghuyara Wendi ghoghuhe ghokukwendi no gha mu kunge muyoyihe yokumupepo, kumudhimu no kuyirama. Eshi, mwa kupire ghuyi apa mbo gheya Hekudyetu Jesus Kristusi! Oyu gha mwitha, mbo ghana yitendi yoyishi ha mu kurupera.

Mu koneke eshi, mbadiko yu gha kona kukuhuthera ghupata noghupata. Mu tokomene thikuma eyi ha haka hayendhenu nawanu hamweya.

Mukutjokedhe ne, no mukutanarithe noman̂ando ghano, thika di mwa tenda namwe karo pakutanga.

Mwayendhetu, atwe, mumitjima dhenu tuna kuyidhundeka eshi: Mu neghedhe thiwana awa ya dhira kurogha yikara yawo. Mu tjokedhe hakamataweroghana, mu ghamwene hakashu no mu kare ghudhughutjima nawahe.

Nyambi mbadi gha tu ghayarera mahumbithero. Ene eshi, tupwe kukomonona paHekudyetu Jesus Kristusi.

Amwe ne mwana munyenge no mwana diyuwa, atwe ne kadi twana ghuthiku no makokore temba.