Popular Bible Verses from 1 Petrusi 4

Share

Thikuma po ne mukuhake nomutjima ghokuyara pofotji, yoyishi ruhakitho ne rwondeka maharwero ghomengi.

Ngeshi mwe mwa karire noghuyara n̂eke dhaNyambi, gha kona kehe yu gha wana thitapa thon̂eke kukarera ghumweya.

Ngeshi ghumweya gha wana thitapa thokuyaghura, aye ne naNyambi ghana kughamba. Endi oku mumbunga ghana kuyikarera yi, gha kona kuyikarera nongcamu dhaNyambi. Kemo sho mu kone kufumana muyoyihe paJesus Kristusi. Kukwendi difumanekero kuroruhe nororuheya! Amen.

Ene ngeshi ha nyanda ghumweya aye ne: mukriste, mbadi gha kona kufa honyi kuyinu yi. Kuninga eshi eyi gha karera nodina di, gha kona kufumaneka Nyambi.

Ghuhura ghoyinu yoyiheya ne ghuna kokera. Yodigho, mwa kona kukuraghura no kukukongora mwathinda, eshi, mu kone kuraperera.

Mwahakwa, mwa yapa kumayerekero ghodirara edi mwa wana. Ethi ne mbadi thinu thothipya kukwenu. Mu shamberere vene muyinyanda yaKristusi, eyi mwa yerana. Yoyishi, po mbo mu yara namwe karo noyishamberera yoyikuru pamwiyero wendi mughufumu.

Mukuyumbura‐yumburange. Oku mbadi muna kukahopa.

Yodigho, awa hana kunyanda kumahimeno ghaNyambi, moyo dhawo dha kurupera paMuvareki ghomakurupero. No kutwara kughutho yitenda yawo yoyihunga.

Yoyishi Kristusi gha nyandire yirama vene, namwe karo mu kone kutanara muyighayara yenu, eshi oyu gha nyandire muyirama, ha mu rikanyithire kumaharwero. Paghuhura ghomoyo wendi ghopakaye, mbadi wa pwire kuraghura shime payirumbera yopathinaghunu, ene pamahimeno ghaNyambi.

Mwakaruvigha mwe muna kupwa kunyatha muDina dyaKristusi. Eyi ne kunegha yina kunegha eshi, Mupepo ghoghufumu, wendi, ghoMupepo waNyambi oghu ghudi papenu.