Popular Bible Verses from 1 Yohan 4

Share

Shóngnøt taq nø svrenøt màvl. Svrenøt vl gǿ nø Gvrayí mvrà zi ra lòng kaq svree. Íwe kø̀mgøm tétǿng we shóngnø:tní nø svrenøt sv̀ng shvmá:ngòe. Svrenøt vl gǿ nø shóngnøt taq kø̀mgøm tétǿng vsv̀ng mø̀í.

Ngàcèrìé, nàmaq nø Gvrayò èínø̀nge. Nàmaq vdòng vl pè nø, rvgaq taq vl pè mvdv̀m nònggùn jòr rvtnø̀, mvdø̀ng mvman kàdvtutshúrì sv̀ng èdv́ngke bǿshà.

Gvrayí vzv̀ng nøngmaq sv̀ng èshòng daqshà rvtnø̀, nøngmaq gø Àng sv̀ng shóngshàì we íe.

Shóngshø̀ng rìé, shóngnøt nø Gvray yv́ngkèní íe. Wervt tiqgǿ nø tiqgǿ vshòngkéì. Shóngnøt vl gǿ vrv̀m nø Gvray àngcè í nø̀, Gvray kaq sháòe.

Gvray nø shóngnøt íe. Wervt shóngnøt màvl gǿí nø Gvray kaq mvsháò.

Nøngmaqí vzv̀ng Gvray kaq shòng yv̀ngshà we mø̀í. Gvrayí mv̀ng nøngmaq sv̀ng vzv̀ng èshòng daqshà nø̀, nøngmaq mvrà dvpvt shvmaa we núngpà wáshìlv́m, Àngcèpè dèzv́ra daqshà. Yalòng nø shóngnøt mvdø̀ng íe.

Shóngshø̀ngrìé, Gvrayí nøngmaq sv̀ng yadv́ngte èshù:ngì rvtnø̀, nøngmaq gø tiqgǿ nø tiqgǿ vshòngké ràe.

Nøngmaq nø Àngcèpè taqkèní cúnshì lúnlv́m rvt, Gvrayí rvgaqtø̀m sv̀ng Àngcè lòngzàpè dvzv́r daqà. Yalòng taqkèní nøngmaq sv̀ng Gvrayí Àng shóngnøt dvtan daqà.

Vsv̀ng nø à:ngí yà:ngò we àngnvm àngchvng sv̀ng dv́ng mvshóngshì nìnø, mvyv̀ng dá:rò pè Gvray kaq kadøwa shóngshì lvlú:nò ni? Wervt, “Ngà nø Gvray kaq shóngshø̀nge,” wa sórí, àngnvm àngchvng sv̀ng shvngoshì gǿ nø vyá íe.

Yesu nø Gvray Àngcèpè í we sv̀ng vchà:ngò we kagǿ ínìgø, Gvray nø àng nv̀ng vzø̀m nø̀, àng gø Gvray nv̀ng vzø̀m we íe.

Gvray kaq shóngshì gǿ nø, àngnvm àngchvng kaq gø shóngshì rà we dvkv́mkà yalòng nø, nøngmaqí Kristu kèní lú:nìe.

Shóngshø̀ngrìé, rvgaqtø̀m taq mvdø̀ng mvman kàdvtutshú mvme bungá:mì rvt, pvlàcè í dv́ngte sv̀ng mèkv́mnø̀ngni. Pvlàcè werì nø Gvray yv́ngkèní í mø̀í we nàløtnø̀ng. Yesu Kristu nø shagóng shvléshì daqì, wa vchà:ngò we pvlàcè í dv́ngte nø Gvray yv́ngkèní íe. Íwe, Yesu sv̀ng màchà:ngò we pvlàcè í dv́ngte nø Gvray yv́ngkèní mø̀í. Kristu sv̀ng vtúshú wepèò pvlàcè íe. Yalòng taqkèní Gvray Pvlàcè í mø̀í we sv̀ng nàmaqí shá daqe. Vtúshúpèò pvlàcè tuq ra we sv̀ng nàmaqí vtáshaq í dø, akvt gøni rvgaqtø̀mø vle.

Yesu Kristu nø shagóng shvléshì daqì, wa vchà:ngò we pvlàcè í dv́ngte nø Gvray yv́ngkèní íe. Íwe, Yesu sv̀ng màchà:ngò we pvlàcè í dv́ngte nø Gvray yv́ngkèní mø̀í. Kristu sv̀ng vtúshú wepèò pvlàcè íe. Yalòng taqkèní Gvray Pvlàcè í mø̀í we sv̀ng nàmaqí shá daqe. Vtúshúpèò pvlàcè tuq ra we sv̀ng nàmaqí vtáshaq í dø, akvt gøni rvgaqtø̀mø vle.