Popular Bible Verses from MATIUS 28

Share

Kerana ajeh, etloh nu dikdij bangse ru pejadiloh enai pengikot Eng. Baptisloh enai ku kateh muh Menek, Kenon, ru Kelog Santen. Ajarloh enai supaye naitaat nu dikdij de ya Ngor nu engkek. Ingatloh, Eng doh selalo Ngbeserta ru engkek lei nu arik kiamat.”

Yesus Kiperek nu Ipengikot-pengikot lalu Kiurok, “Eng ya biog dikdij kuasa ku serga ru ku bumi.

Malikat ajeh kiurok nu ubai kerdor ajeh, “Agok sengoh! Eng ngpanei jerkekek Yesus de bisaleb ajeh. Kek pek mong ku padeh. Kek ya Kikos ju Idanan begei de ya Kiurok entem. Beiloh neng tempat Imayat bidek.

Yesus Kiurok nu ubai, “Agokloh sengoh. Et pasal nu pengikot-pengikot Eng supaye naiet nu lengrik Galilea. Ku pajeh doh naiburuk Eng.”

Raknak-raknak imam agame Yahudi naibebincang ru raknak-raknak mai Yahudi, ru naibeh keputusan naiha-og jeoi duet nu aska-aska de bejaga ajeh. Naibesat nu aska-aska ajeh, “Engkek hod engkeurok begei adeh: ‘Pengikot-pengikot Yesus naihol ku semakdek kelem ru naisij mayat Yesus mase jibukbet.’ Amen Pilatus kicerngai hal ajeh, jik doh jipujok kek supaye engkek pek bihukom. Engkek agok risau.” Jadi, aska-aska ajeh naikot duet ajeh ru naibeh begei de bior. Lei hunen, hal ajeh lekat bipasal ku engkap mai Yahudi.