Popular Bible Verses from KEJADIAN 49

Share

Yehuda doh selalo kicap tungkat kerajaan ru ikenon-cenok doh naimemerintah lei helnol Ilei de berhak nu tungkat kerajaan ajeh. Dikdij bangse doh naitaat nu Kek.

Yusuf begei keldei de nyengnyam, keldei liar beg kacoh teu de kijerjar ku beg lod. Pemanah-pemanah naiserag kek ru ihad kuat, naibeseh kek ya panah ru naipesiksa kek.

Tapi kengrit Yusuf lekat kuat ru ipanah lekat kukoh kerana teg Jenang Yakub de Bekuasa kibeserta ru kek. Jenang ajeh gembale ru pelindog Israel. Jenang ajeh Jenang apak hek de Kitulog hek. Jenang de Ihad Bekuasa doh Kiberkat kenon-cenok hek ya manik ju langit, ya teu ju kerop tik, ru ya jeoi kenon-cenok ru binatag daknek.

Yehuda, tenek-menang hek doh naipateh ha hek. Hek doh hapealah musoh hek. Kekenon apak hek doh naisujod ku ngar hek. Bei, hek begei singha nyengnyam de kiperdat imangse lalu kijog nij nu isarang. Kek kibepajot ru kidakdak begei singha. Pek mong bok-bok pen de berani beusek hek.

Ruben, hekloh kenon sulog eng, kengwat eng, ru pelek petame ju tenage eng. Hek de paleng bihormat ru paleng bekuasa ku engkap dikdij kekenon eng. Tapi hek begei teu de begelore ru hek doh pek hajadi de petame nij kerana hek ya habesama ru gundek eng ru ya hapecemar tempat buknet apak hek.