Popular Bible Verses from Ɓalɔma 12

Share

Inu, nátɨkpatakenimʉ mʉkyananakɨa wɔ dɔdɔ ngɨa. Yakamɛngana, mʉsɨeni Asɔɓɨɨ nenu anacho, nɔ nenu aninjo itungwio yɔ ɨtakɨtakɨ. Kʉɓanɨ, nákwanana pemiso ɓʉkʉnda ɓɔ Asɔɓɨɨ, ʉɓa ɓa ɓuɗo, ʉɓa, ɓamɨkataa, nɔ ʉɓa, ɓɔkwananɔ.

Inu ɓanduku, Asɔɓɨɨ a꞉tɨnɨa ikoko yɛta ɨja nɔgbɛ. Kʉɓanɨ, nanenu akɔnɨta ɓɔ, minjeni uɓei ngʉweno ndʉ mutebii ngʉwɔ wanapɨanɨa akɔ Asɔɓɨɨ, nɔ ʉwa, wamɨkataa. Ɨngbaa yɔ ingono ngɨyɔ bibiso Asɔɓɨɨ, ɨyɛnɛnɨ.

Kweni ɨgyagya akʉʉ ɔ yaka ngɨyɛ nánapɨana-ɔɔ mʉtɨma. Ɓieni nɔ mʉtɨma wɔta ʉta, amati ɔ ɓʉkaɓʉkaɨ, nɔ ɨteni Asɔɓɨɨ sɔkɔmʉ nɔ bɔmbana.

Watɨsɨanamʉ ɓʉɓɨɓɨ nɔwɛ anɨfa ɓubaya, yakamɛngana, ʉwɛ, nagaaka ɓʉɓɨɓɨ nɔ mʉkyananakɨa wɔta uɗo.

Kʉndaneni ati eno ta mʉtɨma mʉngana ndʉ ɓanduku, nɔ, kumoneni ati eno kʉ kumononi.

Ɓʉkʉnda ngʉɓeno ɓiɓio ta nɔ ingono. Yaɛni ɓʉɓɨɓɨ, nɔ potoneni nɔ yaka yɛta iɗo.

Kɨeni iɓomu ngɨyɛ yanɨtanɨa akɨa, iɗo ambɔ ɓieni nɔ majɨɔ nɔ ɓombi ɓaɓomu.

Inu, ɓanduku ɓɔ ɓʉkʉnda, inu, ɓakwɔngɔ, nátɨtosiomʉ ɓʉɓɨɓɨ akɔ ɓʉɓɨɓɨ. Yakamɛngana, sɨeni ta ʉnganga wɔ Asɔɓɨɨ akɨa tɛa. Dɔ, Amati ɔ Mabii, Makwɔɓɨɨ a꞉sugo ɓɔ: «Ɨmɨ akɛ na꞊tosio ikosi, ɨmɨ akɛ, na꞊ɓutosio ɓʉɓɨɓɨ ngʉɓa ɓakɔkɨa!»

Ɓieni nɔ kpekeɓu akɔ tɛa, nɔ nátɨɓiomʉ ɓadɔɓa, Kyananakɨeni Makwɔɓɨɨ nɔ mʉtɨma wɔ kɛkɛɛ nɔgbɛ.

Akpatanakɨa nɔ ɨjɨɔ ngɨyɛ Asɔɓɨɨ a꞉napananiso, nanenu asigio inu ɓaɓomu ɓɔ: mombi atɨsɨkanamʉ aɓio tɨa nɛkʉʉ nɔgbɛ, achana aka ɔsisekio pɛngɛ-ɔɔ aɓio. Yakamɛngana, ɓieni ta nɔ itungwio yɔ nɨmbɨmbɨanaka, mombi nɔ mombi akpatanakɨa nɔ báya ngɨyɛ Asɔɓɨɨ a꞉minjo.

Nátɨtosiomʉ mombi ɓʉɓɨɓɨ akɔ ɓʉɓɨɓɨ. Kɨeni angu akɔɓio nɔ mʉkyananakɨa wɔta uɗo, apɛɨ ɔ ɓombi ɓaɓomu.

Ɓieni nɔ nʉkana ati eno. Nátɨsɨkanamʉ ndʉ ɓombi ɓɔta ɓakpɔkpɔ, yakamɛngana, bayeni aɓio ta ndʉ ɓombi ɓɔta ɓʉtʉʉ. Nátɨsɨkanamʉ ndʉ ɓombi ɓɔ nɨmbɨmbɨanaka.

Yakamɛngana, ɓa꞉matɨa ɓata kʉ ɓɔ: «Mʉyaa ngʉwɔsɔɔ wɔɓieni nɔ taa, minjo idyo. Nɔ, ɔɓieni nɔ mʉsasa wɔ mipo, minjo mipo! Dɔ, akɨa ɓanɨ, ya ndʉ wiɓio nayɔ anutuo nɔ makɔka kɔ dyaa amʉtʉ.»

Ɨteni Asɔɓɨɨ anukiokio ɓombi ngʉɓa, ɓanenu akɔkyananaka. Mɨteni naɓɔ anukiokio, nɔ, sɔkɔmʉ naɓo akɔgbanga. Kweni ɨgyagya ɨhɔ nɔ ɓombi ngʉɓa ɓanɨkwa ɨgyagya. Nɔ, Ndɨeni ɨhɔ nɔ ɓombi ngʉɓa ɓandɨa.

Ɓieni ta asalakɨa ɓombi ɓɔ Asɔɓɨɨ ngʉɓa amati angɨɔ, nɔ, tɛtɨeni ɓabika kʉ nɔ ɨgyagya.

Amati ɔ ndʉtʉ ngɨyeso, lɨsɨgɨsɨgɨ la lɨja. Lɨsɨgɨsɨgɨ liɓomu ngɨlɛnɛnɨ, lanɔ ɓatɛa di di di. Tɨa kʉɓanɨ, isu ɓaɓomu ta tɨta ndʉtʉ mɛngana amati ɔ Klisito, gʉtʉ ndʉ ta ambaja ata mʉja. Nɔ ati eso nangana nangana, tɔɓio tɨa kʉ ɨkyɛmʉ mɛngana, ndʉ lɨsɨgɨsɨgɨ lɔ ndʉtʉ mɛngana.