Kʉdɔ, Pɛtɛlɔ ɔ꞉musigio ɓɔ: «Ananɨa, akʉʉ ɔ yaka yɔ ɨmanɨ ɨyɛ wɔ꞉sɨa-ɔɔ Sɨtanɨ akumonio amʉtɨma ngʉwɔsɔɔ? Wɔ꞉pɛtakɔ Mʉtɨma wɔta Tu pɛtakanɨ, nɔ ɓagyɛgyɛ ngaɓɔmɔ, ʉɓa wa꞉gabiso pɛ naɓɔ kʉbaa, wɔɓʉnayɔ ɓata kʉ naya. Kʉbaa ngɨa wa꞉mugabiso pɛ, a꞉ɓiomʉ pɛ asɔɔ-ndɨ? Nɔ mbise ngɨa wa꞉mugabiso pɛ-ɔɔ, ɓagyɛgyɛ ɓɔngɔ ɓa꞉kɔɓiomʉ pɛ ɓɔsɔɔ-ndɨ? Tɨa akʉʉ ɔ yaka yɔ ɨmanɨ ɨyɛ wɔ꞉kwaisio-ɔɔ akɨa ɨkananja yɔ yaka ngɨyɛnɛnɨ? Wɔ꞉pɛtakɔmʉ ɓombi, yakamɛngana, wɔpɛtakɔ ta Asɔɓɨɨ.»
Ananɨa anʉkɔ yaka ngɨyɛnɛnɨ, ɔ꞉kwa nɔ ingwo gbɛgbɛ ta ananɨ. Ɓombi ɓaɓomu ngʉɓa ɓɔ꞉ka yaka ngɨyɛnɛnɨ, ɓɔ꞉kwa ʉɓá nɔgbɛ.