Popular Bible Verses from Гъуазэхэр 6

Share

Зиусхьаным и МэлэӀич ащ зыкъыригъэлъэгъуи, къыриӀуагъ: – Зиусхьаныр уигъус, зэолӀ кӀочӀэшху!

Арыти, Зиусхьаным ГъыдыӀон зыкъыфигъази, къыриӀуагъ: – КӀуи, о пкӀуачӀэкӀэ Израилыр мыдианхэм къаӀэкӀэхыжь. Сэ усэгъакӀо.

Ау: – Сэ сыуигъусэщтышъ, мыдианхэр зы нэбгырэу пщымыхъоу зэхэпкъутэщтых, – ыӀуи, Зиусхьаным къыриӀожьыгъ.

– Арышъхьай, зиусхьан, – ыӀуагъ ГъыдыӀон, – Зиусхьанэу Тхьэр тигъусэмэ, сыда мыщ фэдиз тхьамыкӀагъор къызкӀытэхъулӀагъэр? Тыдэ щыӀэха Ащ ишӀэгъуашӀэхэу «Зиусхьаныр арыба Мысырым тыкъызищыжьыгъэр?» аӀозэ, тятэжъхэм къаӀуатэщтыгъэхэр? Джы Зиусхьаным ыкӀыб къытфигъази, мыдианхэм аӀэ тырилъхьагъ.

– Ау, зиусхьан, – ыӀуагъ ГъыдыӀон, – сыдэу хъумэ сэ Израилыр къаӀэкӀэсхыжьыщта? Мынасэ лӀакъом сэ силъэпкъ нахь цӀыкӀу хэтэп, сэри сятэ сырикӀэлэ нахьыкӀ.

Зиусхьаным и МэлэӀич къакӀуи, Ӏофрэ къалэ къыщыкӀырэ чъыгаем ычӀэгъ къычӀэтӀысхьагъ. А чӀыпӀэр абиӀэзэр лъэпкъым щыщ Иоащ ичӀыгу Ӏахьэ хахьэщтыгъэ. Ащ ыкъоу ГъыдыӀон, мыдианхэм къамылъэгъуным пае, а уахътэм сэнэшъхьэкӀэфыпӀэм коцыр щиӀожьыщтыгъэ.

ГъыдыӀон Зиусхьаным къурмэншӀыпӀэ а чӀыпӀэм щыфигъэуцуи, «Зиусхьаныр – мамырныгъ» ыӀуи, ащ цӀэ фиусыгъ. Непэ къызнэсыгъэми, абиӀэзэр лъэпкъым ичӀыгу Ӏахьэ хахьэрэ Ӏофрэ къалэ дэжь, а къурмэншӀыпӀэр зэрэщыт.

– УнэшӀу къысщыфагъэмэ, – ыӀуагъ джащыгъум ГъыдыӀон, – щэч хэмылъэу О укъызэрэздэгущыӀагъэм итамыгъэ сэгъэлъэгъу.

Ау Зиусхьаным къыриӀуагъ: – Зыгъэмамыр. Умыщын, улӀэщтэп.

Израилхэм Зиусхьаным къемыкӀущтхэр ашӀагъэхэти, илъэсиблкӀэ мыдианхэм аӀэ рилъхьагъэх.