Popular Bible Verses from Хэбзэ тхыжьыгъэр 5

Share

Уи Зиусхьанэу Тхьэм къыуитырэ хэгъэгум бэгъашӀэуи утхъэжьэуи ущыпсэуным пае, уи Зиусхьанэу Тхьэм унашъо къызэрэпфишӀыгъэм тетэу, уятэрэ уянэрэ лъытэныгъэ афэшӀ.

ШъущыӀэнэу, шъуиӀофхэр дэгъунхэу, шъуиунэещт чӀыгум шъуигъашӀэ щылъыжъугъэкӀотэнэу, шъуи Зиусхьанэу Тхьэм шъузытетынэу къышъуфигъэнэфэгъэ гъогум ренэу шъурыкӀу».

Ахэм шъхьащэ афэмышӀ, уафэмылажь, сыда пӀомэ Сэры Зиусхьанэу уи Тхьэр, зыгорэм удигощыныр, нэкъокъогъу иӀэныр къызэмыкӀурэ Тхьэр. Лажьэ зиӀэхэу, сызылъэгъу мыхъурэ тыхэм къахэкӀыгъэхэр лӀэужищ-плӀым нэсэу сэгъэпщынэжьых. Ау Сэ шӀу сызылъэгъухэрэм, сиунашъохэр зыгъэцакӀэхэрэм къахэкӀыгъэхэм лӀэуж миным нэсэу гукӀэгъу афэсэшӀы.

Сыд фэдэу ышъхьагъыкӀэ ошъогум щыӀэри, ычӀэгъыкӀэ чӀыгум щыӀэри, чӀы шъхьашъом нахь лъхъанчэу псым щыӀэри тхьэ сурэт зыфэмышӀыжьых.

Сэщ нэмыкӀ тхьэ гори уерэмыӀ.

Зиусхьанэу уи Тхьэ ыцӀэ пкӀэнчъэу къэмыӀу, Ащ ыцӀэ пкӀэнчъэу къэзыӀорэр Зиусхьаным ымыгъэпщынэу къыгъэнэщтэп“.

Адэ, щынагъо къысфыряӀэу сызэрагъэлъэпӀэным, Си унашъохэр зэкӀэ зэрагъэцэкӀэнхэм ахэр агукӀэ фэягъэхэмэ, ежьхэми ялъфыгъэхэми яӀофхэр дэгъуныгъэхи!

Мосэ джыри ариӀуагъ: „Уи Зиусхьанэу Тхьэм унашъо къызэрэпфишӀыгъэм тетэу, шэмбэт мафэр зыщымыгъэгъупш, бгъэлъэпӀэным пае ар угу игъэлъ.

НэмыкӀ цӀыфым ишъуз уемынэцӀ. НэмыкӀ цӀыфым иуни е ихапӀи, ащ иунэӀут хъулъфыгъи е бзылъфыгъи, ицуи е ищыди – ащ имылъку щыщ горэми уемынэцӀ.

Зинэ умышӀэ.

НэмыкӀ цӀыфым шыхьат нэпцӀ уфэмыхъу.

ЦӀыфыр умыукӀы.

Умытыгъу.

Ори Мысырым узэрэщыпщылӀыгъэр, уи Зиусхьанэу Тхьэм уинэрылъэгъоу гъунэ зимыӀэ илъэшыгъэрэ ыкӀуачӀэрэкӀэ зыкъыпфигъэнафи, ащ укъызэрэрищыжьыгъэр зыщымыгъэгъупш. Джащ пае уи Зиусхьанэу Тхьэм шэмбэт мафэр бгъэцэкӀэнэу унашъо къыпфишӀыгъ.

Ӏоф зэфэшъхьафэу уиӀэхэр зэшӀопхыхэзэ, мэфихым Ӏоф пшӀэ хъущт. Яблэнэрэ мафэр уи Зиусхьанэу Тхьэм фыхэхыгъэ шэмбэтышъ, хэушъхьафыкӀ. А мафэм ори, пкъуи, ппхъуи, уиунэӀут хъулъфыгъи, бзылъфыгъи, уицуи, уищыди, нэмыкӀ уибылыми, уипсэупӀэхэм адэс хэхэсми Ӏоф гори арэмышӀ. УиунэӀут хъулъфыгъи, бзылъфыгъи, ощ фэдэу зарэгъэпсэф.

„Сэ сы Зиусхьан, уи Тхьэу, Мысыр хэгъэгум, пщылӀыпӀэм укъизыщыжьыгъэр арышъ