Popular Bible Verses from Хэбзэ тхыжьыгъэр 4

Share

Джа чӀыпӀэр ары шъуи Зиусхьанэу Тхьэм шъулъыхъоу зыщежъугъэжьэщтыр, шъугукӀи шъупсэкӀи шъуфалӀэу зызыфэжъугъазэкӀэ, Ащ шъуӀукӀэщт.

Шъуи Зиусхьанэу Тхьэр – Тхьэ гукӀэгъушӀыба, Ащ шъукъыбгынэщтэп, шъуигъэкӀодыщтэп, Ӏуагъэу шъуятэжъмэ гущыӀэ пытэкӀэ адишӀыгъэр щыгъупшэщтэп».

Шъуи Зиусхьанэу Тхьэр – Ар узышхырэ мэшӀошху, зыгорэм удигощыныр, нэкъокъогъу иӀэныр къызэмыкӀурэ Тхьэ Ар.

Ау шъущэӀэфэ шъунэхэмкӀэ шъулъэгъугъэр зыщышъумыгъэгъупшэжьэу шъугухэм арыжъугъэлъ, гукъэкӀыжьхэр шъугухэм зэрарымыкӀосыкӀыжьыным шъуфэсакъ, шъузылъыплъэжь. ШъуикӀалэхэри ахэм ялъфыгъэхэри ащ фэжъугъасэх.

Зиусхьаныр уашъоми чӀыгуми зэря Тхьэр джы щегъэжьагъэу зэжъугъашӀи, егъэшӀэрэу шъугу ишъуубыт. НэмыкӀ тхьэ зыпари щыӀэп.

ЩыӀэна джыри ащ фэдэ цӀыф лъэпкъышхо – сыдигъуи теджагъэми, ти Зиусхьанэу Тхьэр тэ къызэрэтпэблагъэм фэдэу, итхьэхэм апэблагъэу!

КъэкӀощт охътэ чыжьэм а зэпстэур зышъупэкӀэкӀыхэкӀэ, къиным шъузызэлъикӀукӀэ, шъуи Зиусхьанэу Тхьэм зыфэжъугъэзэжьынышъ, Ащ ыӀорэм шъуедэӀущт.

Сэ къышъуасӀорэм зыпари хэшъумыгъахъу, хэшъумыгъэкӀ. Шъуи Зиусхьанэу Тхьэм къышъуфишӀыгъэ унашъохэу сэ къышъуасӀохэрэр жъугъэцакӀэх.