Popular Bible Verses from Хэбзэ тхыжьыгъэр 11

Share

Ахэр шъуикӀалэхэм яжъугъашӀ. Унэм шъуисми, гъогум шъутетми, шъузыгъолъыжьрэми, шъукъызытэджыжьрэми ахэр агурыжъугъаӀу.

Тхьэм къышъуеӀо: „КъышъуфэсшӀырэ Сиунашъохэр шъугуи шъушъхьи арыжъугъэлъ, ахэр гукъэгъэкӀыжь тамыгъэхэу шъуӀэхэми шъунатӀэхэми атежъугъэт.

Непэ Ащ къышӀырэ унашъохэр жъугъэцакӀэхэу, шъуи Зиусхьанэу Тхьэр шъугурэ шъупсэрэкӀэ шъуфэщагъэу шъуфэлажьэмэ, лэжьыгъи, сэнашъхьи, зэйтын дагъи зэрэшъуиӀэнхэу, шъуичӀыгу ищыкӀэгъэщт ощхыр бжыхьэми гъатхэми игъом Ащ къыригъэщхыщт.

Мосэ етӀани израил лъэпкъым риӀуагъ: «Уи Зиусхьанэу Тхьэр шӀу зэгъэлъэгъу, Ащ иунашъохэр, ишапхъэхэр, ихэбзэ гъэунэфыгъэхэр сыдигъуи гъэцакӀэх.

Мосэ къыӀуагъ: «Арышъ, шъуфэсакъ, непэ нэшӀущыфэныгъэхэмрэ бгыбзэхэмрэ шъуахэдэнэу фит шъусэшӀы. Шъуи Зиусхьанэу Тхьэм иунашъохэу непэ къышъосӀуагъэхэр жъугъэцакӀэмэ, нэшӀущыфэныгъэхэр къыжъудэхъущт. Шъуи Зиусхьанэу Тхьэм иунашъохэр шъумыгъэцакӀэмэ, сэ къышъуфэзгъэнэфэгъэ гъогум шъутекӀэу, ыпэкӀэ шъумышӀэщтыгъэ тхьэнэпцӀыхэм зызафэжъугъазэкӀэ, бгыбзэхэр къышъутефэщт.

Шъуиунэ пчъэблыпкъхэми шъуикъэлэ дэхьапӀэмэ ахэлъ къэлапчъэхэми ахэр атешъутх“. Джащыгъум шъуятэжъхэм къаритынэу Зиусхьаным гущыӀэ пытэ зыфишӀыгъэ чӀыгум шъори шъуилъфыгъэхэми уашъор чӀыгум шъхьащэтыфэ шъущыпсэущт.

Ау нэмыкӀ тхьэхэм шъхьащэ афэшъушӀынэу шъугухэм шъузэрамыгъэгъощэным, шъузэрэдэмыхыным шъуфэсакъ.