Popular Bible Verses from Хэбзэ тхыжьыгъэр 10

Share

Арышъ, израил лъэпкъыр, сыда шъуи Зиусхьанэу Тхьэр зыфаер шъуи Зиусхьанэу Тхьэм щынагъо фышъуиӀэу зэрэжъугъэлъэпӀэным, Ащ игъогухэм ренэу шъузэрарыкӀоным, Ар шӀу зэрэшъулъэгъуным, шъугурэ шъупсэрэкӀэ шъуфэщагъэу шъузэрэфэлэжьэным, шъуиӀофхэр зэрэдэгъунхэу Зиусхьаным иунашъохэу, ишапхъэхэу непэ шъузыфэзгъасэхэрэр зэрэжъугъэцэкӀэным анэмыкӀэу?

Шъуи Зиусхьанэу Тхьэр – ар тхьэмэ я Тхьэжьэу, зиусхьанмэ я Зиусхьаныжьэу, Тхьэ инышхоу, кӀочӀэшхоу, щынэгъошхо зыфыряӀэу, зэфагъэ зыхэлъэу, шӀухьафтынхэр къаӀызымыхырэ Тхьэу щытба!

Арышъ, шъугурэ шъупсэрэкӀэ зэрэщытэу Зиусхьаным зыфэжъугъаз, ащ нахьыбэри зышъумыгъэкъаигъ.

Ар ибэхэмрэ шъузабэхэмрэ адэӀэпыӀэ, хымэ цӀыф лъэпкъмэ ащыщхэм афэгумэкӀы, ахэр егъашхэх, ефапэх.

Ащ шъущытхъуныр ифэшъуаш; Ар шъуи Тхьэу, шъуинэрылъэгъоу шъощ пае шӀэгъошӀэгъэшхохэмрэ шӀэгъошӀэгъэ щынагъохэмрэ зыгъэхъагъэр ары.

Шъуи Зиусхьанэу Тхьэм щынагъо фышъуиӀэу жъугъэлъапӀэ, Ащ шъугукӀэ шъуепкӀылӀагъэу шъуфэлажь. Ащ шъуфэшъыпкъ, Ащ ыцӀэкӀэ тхьэлъанэ шъушӀы.

Мары шъуи Зиусхьанэу Тхьэм ыӀэ илъых уашъори, ошъо къатхэри, чӀыгури, ащ тет пстэури.

Шъори Мысыр хэгъэгум хэхэсэу шъуисыгъэшъ, хэхэсхэр шӀу зэжъугъэлъэгъу.