Popular Bible Verses from Rooma 8

Share

Tamaa Yalla kixinah kaa xagara balih decsiime marah ummannim Yalli mecaanih akah abam naarhige.

Amaydo, hido rabi hido aniina, hido malaykut hido manabottit, hido kado tanem hido niiroh tamaato lem, hido xaylit, hido xafta, hido samta, hido akim umbuka ta makhaaliqhodde Yallih kaxano ni Maddara kin Yeesus Masiixidde linoyaako ni barhisho dhiicati miyanemih thummut kiyo.

Amayim balih, Ufayi ni tantodde ni xata. Dhaaciminno akah nolle taneekah minaarhige, laakin Ufayi isheh waani hinnim yamoofoyeh ni idhdhadde yakkeh noh tillaaba.

Tayimhi sabbatah ayim narhxo kinni? Yalli nottaalih yekkek sarrah, ni didde yakko dhiicati miyatto kinni?

Amaydo kado, Masiix kin Yeesusudde yane mari qitscat yaalloona makinooni.

Xazottaatim xangaladde yaxeesebiinim raba kinni, Ufayim xangaladde yaxeesebiinim laakin aniina kee maaxiyo kinni.

Maale, umbuka taymidde, ni kixin tiyahi araxah tamaa yamlike maraako nashshe.

Ta kado adde nanino waqhtehi waaxelti, tamaa nottah tamballaw le nabneelih kabkabbot malem balih kinni lowam.

Masiix kaxanooko ni barhishati miyatto kinni? Cazaab, qadaab, hadaano, hido culul, hido casno, camaza hido sefi?

Amaa afcaado meecetih idhdhitati lel Ufayi xangaladde ayim yaxeesebem yaarhige. Amayim lel Ufayi Yallih farhi balih yinqiddise marahi idhdhadde tillaabamhi sabbatah kinni.

Amayim lel inkoh Yallih Ufayi santisha mari, Yallih cindham kinoonimhi sabbatah kinni.

Inkoh tamaa xazottat araxah yadiye mari, amaa xazottaatim kinni xangaladde loonim. Tamaa Ufayi araxah yadiye mari laakin, Ufayim niyadde lon.

Ishi Barha umman nottah yaxaw suumutinnixeti, aaginah kaalih ummannim amaa ginah noh axaye waya?

Nanu Yallih cindham kinom Yallih Ufayi isheh ni ufayelih yakkeh kinni yashhidem. Amaydo, Yallih cindham nekkemko, Yallih waarish kino, Yallih waarish nekkemko lel inkidde Masiixlih waarish kino. Kaalih waaxelta nengelemko gantah kaalih nanabem takke.

Xazottat xangal Yallih didde kinni; Yallih sercat miyaabbe, yaabbo lel mirhicta.

Makhaaliqho lel amaa Yallih cindham adde yambulluwin max mango hambereeroolih ilaalak tane.

Umbuka makhaaliqho umlaalot waaxeltah balih kado fanah inkidde araadishak tanem naarhige.