Popular Bible Verses from Waxye 22

Share

Anu Alfa kee Oomeega, erhedhdho kee sarroorimto, erherha kee abayshima kiyo.”

“Taykiyo, anu dheh amiitiyuk aniyo, umman tiyah kaa-kaa abittot hi casbe inneelih baaheh akah axawo kiyo.

Ufaye kee cibna lel: “Amo” yarhxin. Amaa yaabbeti lel: “Amo” yarhxoo. Bakhaarati lel yamaatoo; farhati amaa aniinat layeko amaa ginah bishshiitoo.

Amaa aniinat xarhadde xaqqe yaalloona kee amaa daafodde carufko oroboona ciloh sinni sara cakalisha mari barakä-lem kinon.

“Taykiyo, dheh amiitiyuk aniyo. Ta kitaabadde nobowa waanisheenih yanin waani dhawrheti lel barakä-le kinni” yok yerhxe.

Kamboh bar yannaw maki. Maddara kin Yalli ten ifo yakko kinamhi sabbatah, faanus ifo hido ayro ten farhshiisho maki, usun lel umman gedda kee umman gedih yangasoona kinon.

Tamaa taymih yashhideti: “Thummutuh anu dhaye geddadde amiitiyuk aniyo” yarhxe. Amin. Amo, Maddara kin Yeesuso! Maddara kin Yeesus hi nicma umman tiyaalih takkoo. Amin.

Ta kitaabhi nobowat waani taabbemik lel umman tiya asuusak aniyo: akkinnanti adde osemko, Yalli ta kitaabadde xussumteh tane bala akah oso kinni. Akkinnanti ta nobowat waanih kitaabko inkim akko yuynuqhusemko, ta kitaabadde xussumteh tane aniinat xarha kee amaa tinqiddise daafodde leya gideeko akko yaynaqhaso kinni.