Popular Bible Verses from Yacqoob 3

Share

Laakin aganaako kin kas erherhih tsitstsii tiya kinni, sarrah lel maaxiyo le tiya, mece tiya, aki xiyawhi mablo kabbaata tiya, raxmaako yemmeege tiya, mece fire le tiya, babbarhishnan hin tiya kee doolab hin tiya kinni.

Sin fanadde kas-le tiya kee fahaama leti miyatto kinni? Ishi mece xaalah kasle xiyaawinnadde ishi abitto yayballaw.

Xaqqi fire lel maaxiyodde maaxiyo aba marah tamzirriye.

Ashshiino kee nabsi kaxani alle yanelle, cigirgir kee uma abitto tane.

Kayyah abnah ni Maddara kee Abba faylishinna, kayyah abnah lel Yallih misleh yunkhulluqhe mara abarna. Inki afko fayla kee abaaro tawce. Yi saculo, tayim takko eeddam maki.

Anrab lel gira yekkeh caalamti umaani kinni. Anrab ni karimhi addadde yakkeh, umbuka ni nabse masxishayaako, umbuka aniinat araxadde gira hayah, jahannab giradde saya.

Anrab yagzaw dhiica xiyawti laakin miyane. Acrufinnixe uma tiya, xiyaa yagdife xinzeeko yemmeegeya kinni.

Yi saculo, nanu tamaa yayduruse marak sirii ginah namfarrado kinom taarhigiinimhi sabbatah, mango marak mudarrisiin makkina.