Popular Bible Verses from 1 Bithroos 1

Share

Ni Maddara kin Yeesus Masiix Yalla kee Abbah fayla takkoo! Ishi naba raxmah balih, Yeesus Masiix rabaakohi ugutti araxah yane cagadde malammih akah naabukeekah nok abe. Tamaa alayinnixe, masxitinnixeh, ahsisinnixe miiraas carshelle sinah obsimeh yaneya ni yiywirishe.

Dago geddah mango caynah tattacakkanoona, raacinnixem kinni haaki, taymih mangum xedentan. Tayim sin imaan rumma kinam taybulluwem kinni. Tamaa dahab walaa girah yamcakkanoo kibah, sin imaan tamaa yalaye dahabko naba limo leya. Ta sin imaan Yeesus Masiix yambulluwe gedda fayla, nabne kee xishma sinah baaho kinni.

Laakin tamaa sinah deecimeti quddus akah kinniika balih, atin gantah abinnannimidde inkoh yinqiddise mara tika. Amayim lel: “Anu quddus akah kiyookah, yinqiddise mara takkoona kitin” yarhxiinim tunkuttubeh tanemhi sabbatah kinni.

Akko yarhxiinim yaabbe cindham akah kitiiniikah lel, tamaa basoh sorheenit kuuk tinin gedda balih, sinni uma farhih maadayna.

Amaydo, sinni niya abittoh inqirribanta. Himma-abitteenih, tamaa Yeesus Masiix yamidhdhige gedda sinah baahoona lon nicmadde umbuka sinni cag abitanta.

Amayim lel “ Inkoh xiyaw cashsho balih kinon ten inkoh nabne lel cashshot combooba balih kinni. Cashsho kafta, amaa combooba lel radda, Maddari waanitta laakin umman geddah marta.” Ta waanitta lel tamaa sinalle warroyshen mece ware kinni.