Popular Bible Verses from Remarya 9

Share

Yaake nay krell kek mensho dran peste, te vell o Devel lačo ap leste, ninna te kamell lo kova. Na-a, lauter vell dran o Debleskro kamlepen.

Yob penas ap o Moseste: Me hom lačes koleske, ap koleste me kamau te vap lačes. Oun man hi i baro dji koleske, ap koleste man i baro dji hi.

Palle penau touke: Tou hal i mensho. Tou nay peneh gar ap o Debleste: Hoy kreh tou kote? Yob kras tout. Tou nay peneh gar ap leste: Hoske kral man tou yaake?

Lauter krell lo yaake, har yob kamella. Ap koneste yob lačes kamell te vell, ap koleste hi lo lačo. Koneske yob i dji dran bar kamell te dell, koleske dell lo i dji dran bar.

Kova hi yaake har pash i mensheste, kay krell čare oun pirya dran yek kotar loli phoub. Te kamell lo, krell lo i shoukar čaro, hoy boud moldo hi. Oun te kamell lo, krell lo i vavar čaro, kay čiklo koova dren čiddo vella.