Popular Bible Verses from Remarya 10

Share

Oun tou te peneh i menshenge: O Yezous hi o ray, oun te patseh tou an tiro dji, te kras les o Devel i moulendar djido, palle dell lo tout o djipen, hoy gar pre-herella.

Koon o tselo djiyestar ap leste patsella, koles čivell o Devel an o čačepen. Oun koon i menshenge penella: O Yezous hi o ray, koleste dell o Devel o djipen, hoy gar pre-herella.

Kolla, kay patsan ko lab, patsan les, har shounan le les. Oun ko lab rakras o Yezous Kristestar.

An o Debleskro lab hi činlo: Kova, kay ap leste patsella, kova hounte ladjell pes gar glan mande. Kava lab hi i tsele menshenge: i biboldenge, ninna kolenge, kay kek bibolde hi. Len halauteren hi yek ray. Oun yob dell o djipen lauterende, kay les mangenna. Yaake hi činlo an o Debleskro lab: Halauter, kay o Yezous Kristes mangenna, kolen dell lo o djipen.

Te vell kek bičedo pash lende, nay penell lenge kek o Yezous Kristestar. O Debleskro lab penella: Har barhtelo ham pral kolende, kay venn pash mende oun penenn menge o lačo lab!

Te patsenn yon gar ap o Yezous Kristeste, nay denn le les vitar gar an-gole. Te shounan le lestar gar, nay patsenn le gar ap leste. Te penell kek lenge o Yezous Kristestar, nay shounenn le gar lestar.

Yob bičras o Yezous Kristes. Koon ap leste patsella, kova hi čačo glan o Debleste. O Moseskre laba hi bouder gar o drom pash o Debleste.