Popular Bible Verses from 2. Mose 8

Share

Ap ko dives krau kova an ko them Gosen, kay mire menshe djivenna, vavarčandes. Kote venn kek matsille, hoy čourye denn. Yaake te dikess oun te hayvess, te hom me o baro Devel kate an kava them. Oun tou dikess, te hi vavarčandes pash mire menshende har pash tire menshende. Ko baro koova vell taysar pral t'mende.”

Oun o baro Devel penas ap o Mose: “Pen ap o Aron, te rikrell lo peskro kasht pral i tsele panya, kolla, hoy nashenna oun kolla, hoy tardo hi! Oun mouk i djambe pral o tselo them Egiptia pre te vell.”

Kote penan i dourkepangre ap o Farao: “Kava hi o Debleskro vast!” Ninna kanna rikras o Farao peskro dji pandlo oun shounas gar ap lende. Yaake vas, hoy o baro Devel penas.

Kote rikras o Aron peskro vast pral i panya an o them Egiptia. Oun i djambe van pre, oun his yaake boud, te his o tselo them lentsa pherdo.

Oun o baro Devel penas ap o Mose: “Taysarla, te djal o Farao pash o pani Nil, dja pash leste oun pen ap leste: Kava penell o baro Devel: Mouk mire menshen te djal, te mangenn le man an!

Kote penas o Farao: “Me moukau t'men te djal, te nay marenn firhen leske an o moulo tato them. Ma djan yaake dour krik! Oun mangenn t'maro Debles mange!”