Popular Bible Verses from 2. Mose 2

Share

Oun yob shounas lengri gole, oun bistras gar ko lab, hoy das yob o Abraham, o Isaak, oun o Yakob, te vell lo lengro Devel oun yon peskre menshe. Oun o Devel dikas lačes ap i Israelitarya oun vas ap lengri rig.

Pal i rah tsiro meras o baro ray pral o them Egiptia. Fothe phares hounte boudran i Israelitarya tel dava oun dan gole, te shounas len o Devel.

Har his o čavo bares doha, anas yoy les pale o rayeskri čake. Koya las ko čaves har te vals lo lakro čavo. Yoy penas: “Me tserdom les dran o pani vin.” Doleske das yoy les o lab Mose.

Oun o rayeskri čay penas ap late: “Le ko ternepen oun de leste te piyell! Me playsrau tout mishto.” Yaake las i day peskro ternepen pale oun das les te piyell.

Koy vas o baro rayeskri čay oun kamas pes an ko pani Nil te thovell. Oun kol djouvya, kay lake boudran, nashan pash o pani. Ap yek kopo dikas yoy koy korba mank ko baro panyeskro khass, oun bičras lakri boudepaskretsa koy, te anell li koy korba.

Har his o Mose baro, vas i dives, kay djas lo pash peskre menshende. Koy dikas yob har yon phares hounte boudrenn, oun har das yek Egiptari i Hebreares. Koy dikas o Mose pes trouyel, te nay dikell les kek. Palle das yob o Egiptari moulo, oun čivas les tel i phoub.