Popular Bible Verses from 1. Petro 5

Share

Lauter, hoy hi t'men phares ap o dji, vitsrenn ap leste! Yob krell lauter mishto.

I tikno tsiro vell pharo koova ap t'mende. An kava tsiro lenn t'mer i zoor, te ačenn ap o Debleskro drom. O Devel, kolestar vell o tselo lačepen, yob das t'men gole, te djivenn hako tsiro khetne o Yezous Kristeha oun lenn leskro raylepen. Yob dell t'men ninna i zoor, te ačenn zoreles an o patsepen oun an o djipen.

Denn garda, oun avenn gar khino! O beng kamell t'men te marell. Oun yob djal trouyel har i divyi bari margodja, hoy hi lat bok, oun rodella, kones yoy nay rhal pre. Ma krenn, hoy o beng t'mendar kamella! Ačenn zoreles an o patsepen! T'mer hounte djinenna, kay lenn le t'mare phralen oun phenya ap i tseli phoub ninna yaake palla har t'men.

Doleske krenn t'men tikno tel o Debleskro zorelo vast! O Debleskro tsiro vella, kay yob t'men bares krella.

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.