Popular Bible Verses from Romanos 3

Share

saurre cherde o bilachipe ta si dur katar o Del. A o Del ande po volipe ta llabe llinel amen chache, ta cheres o Kristo Jesus braduisarda amen katar e duk kai saia te la pala amaro bilachipe.

O Del llinel chache sa golen kai pachan ando Jesukristo ni chitilpe dal si judiura o inai judiura

Goleke o Del bichalda pe Chave te avel amaro kurbano ta te chordol leko rat. A te pachaia kai o Jesus mulo pala amende, o Del ka prostil amen. Gia si sar mangla o Del te sikavel sar llinel amen chache soke prostisarda amen o bilachipe kai cherdam omanglal, soke vou mangla te sikavel ande gava vreme po chachipe ta te llinel amen chache gia sar si vou chacho ta llinel chache sa golen kai pachan ando Jesus.

Soke niko nasti ka avel llindo chacho angla o Del samo soke kandel so ppenel o zakono; soke o zakono samo sikavel amenge kai sam bilache.

Soke gia si pisime: “¡Inai ni iek te avel chacho! Inai niko te acharel; inai niko te rodel e Devle. Saurre lleletar po bilacho drom; Saurre cherdile bilache. ¡Inai niko te cherel o lachipe! ¡Inai ni iek!

Goleke pala sa gala ezgode sai ppena: kai o Del llinel chacho e manuse cheres o pachape bi te cherel bucha e zakonoke.

Soke i te avena kojamne e manusa, o Del suako drom ppenel o chachipe. Ando Pisipe ppenel: “Ka ppenen kai san chacho pe chi orba, Ta kana ka den tut pe kris, tu ka dobi.”