Popular Bible Verses from Romanos 10

Share

Te ppenea che muiea kai o Jesus si o Gazda ta te pachaia sa che liea kai o Del vazdia le katar o meripe, ka ave braduime.

Soke e liea pachalpe te sai avel o manus llindo chacho, ta e muiea ppenel o manus kai pinllarel e Jesukristo te sai avel o manus braduime.

Goleke o pachape ando Del avel kana asune e orba katar o Kristo.

O Pisipe ppenel gia: “Ko pachala ande lete ni ka chel ando lallao.” Ni chitilpe te avena judiura o te na avena, soke saurre si len isto gua Del, ta o Del si lacho sa golenchar kai mangen letar. Ta i o Pisipe ppenel gia: “Sa gola kai ikkarena e Devle, ka aven braduime.”

¿Ta sar ka den orba katar o Jesukristo kana o Del ni bichalel len? Sar ppenel o Pisipe: “¡Savo sukaripe si kana dikka kai aven gola kai anen e lachi viasta!”

Akana, ¿Sar ka ikkaren le kana ni pachan ande le? ¿Ta sar ka pachan ande lete, kana ni llanen niso letar? ¿Ta sar ka llanen kana niko ni del lenge orba katar o Gazda o Jesukristo?

Soke ando Kristo cherdol sa o zakono te sai aven llinde chache sa gola kai pachan ande lete.