Popular Bible Verses from 1 Pedro 5

Share

Muken ande Devleke va sa tumare brige, soke vou arakkel tumen.

A kana tumen ka nakken gaia patnia nesavo vreme o Del ka cherel tumen orta ta zurale te na kovlion ta gia suako llive ka avel tumen pachape. Isto o Del kai ande po baro volipe ikkarda amen e Jesukristoia te ava i amen ande leki dragostia ostade.

Arakken tumen ta ttoven sama soke o llavolo llal sargo iek liono divome kai rodel so te jal. Ta terpin leke zurale ando pachape soke tumen llanen kai ande sa e ppuvia si but pplal kai nakken patnia isto sargo tumen.

Goleke morabi te aven proste angla o Del soke sen tala leko va, ta vou ka del tumen o baripe kana ka avel o vreme.

Isto gia tumen e terne morabi te kanden golen kai gazdarin ande kkanlliri ta te kanden iek avere postenimaia, ta na te istardon soke: “E Devleke inai drago e llene kai istardon, a pomozil e llenen kai lengo lio si kovlo.”