Popular Bible Verses from 1 Pedro 4

Share

Te avel maskar tumende volipe, soke o volipe prostil but bilachipe.

O Del dia saurren iek buchi te radin, goleke radin averenge.

Kana fiko ka del orba, te avel gaia orba sargo e Devleki. Kana ka radin, radisaren sa e zoriaia kai o Del del tumen. Sogo ka cheren, cherenle te avel blagosime o Del pala o Jesukristo, kai leko si ostade o baripe ta e zor.

A te nakkel patnia soke vou pachal ando Kristo, inai soke te jal lallao. Vou morabi te blagosil e Devle soke pachal ando Kristo.

Akana si pase o son. Goleke arakken tumen ta molintumen but e Devleke.

Pplalalen na chudin tumen, soke o zumadipe kai tumen nakken inai iek ezgoda nevi. Veselin tumen kai nakken e patnia kai o Kristo nakklo, te aven vesele kana ka avel o Kristo pale o duito ande po baripe ta ande pi zor.

Te aven tumen pachivale iek averea ande tumare chera, ta na den bilachi orba lendar.

Goleke, sa gola kai nakken patnia pala e volia e Devleki, morabi te cheren o lachipe suako llive, ta te ttoven pi vera ando Del kai dia len o zivoto soke vou si chachuno.

Goleke sargo o Kristo kai nakkla patnia ande pi esnaga, i tumen morabi te cheren sargo vou soke te nakken patnia sargo o Kristo ni ka cheren ios bilachipe, ta gua ka sikavel saurrenge kai muklen o bilachipe, ta kai sa tumaro zivoto ka cheren e Devleki volia.

Blago tumenge kana ka kusen tumen pala o Kristo, soke o Duo e Devleko ka avel suako llive tumenchar.