Popular Bible Verses from Na Sailm 119

Share

Is é do ḃriaṫar lóċrann mo ċos: agus solas mo ċosán.

Ċuir mé do ḃriaṫra i dtaisce i mo ċroí: ionas naċ bpeacóinn id aġaiḋ.

Conas a ġlanfaiḋ an t‑ógḟear a ṡlí: lena ċur féin faoi smaċt do ḃriaṫair.

Is beannaiṫe a ċoinníos a ḟianaisí: agus a ḃíos á iarraiḋ le hiomlán a gcroí.

Is tú mo sciaṫ agus mo ċrann cosanta: agus is as do ḃriaṫar atá mo ṁuinín.

Taḃair tuiscint dom, agus coinneoiḋ mé do ḋlí: is deiṁin go gcoinneoiḋ mé le hiomlán mo ċroí é.

Claon mo ċroí ċun dʼḟianaise: agus ní ċun na sainte.

Is fearrde mé go raiḃ mé i mbuaireaṁ: go ḃfoġlaime mé do reaċta.

Bíonn an briaṫar céanna mar ṡólás dom i mo ḃuaireaṁ: óir is é a ḃeoiġ mé.

Taḃair orm siúl ar ċosán dʼaiṫeanta: óir is iontu a ḃíos mo ḋúil.

Múin dom, a Ṫiarna, slí do reaċt: agus leanfaiḋ mé di go deireaḋ.

Bíonn mʼanam á leá le méid a tuirse: taḃair sólás de réir do ḃriaṫair.

A Ṫiarna, is í do ḋlí mʼansaċt: déanaim staidéar uirṫi dá mbʼḟada an lá.