Popular Bible Verses from Taisbeanádh 6

Share

Agus do ḋearcas, agus féaċ, capall liaṫḃán: agus an té do ḃí ar muin air, is é an Bás dob’ ainm dó; agus do lean Hádes ’n‐a ċuideaċtain. Agus tugaḋ cuṁaċt dóiḃ ar an gceaṫraṁaḋ cuid de’n talaṁ, ċum ḃeiṫ ag marḃaḋ leis an gclaiḋeaṁ, agus leis an ngorta, agus leis an bpláiġ, agus le h‐ainṁiḋṫiḃ allta na talṁan.

Agus do ḋearcas, agus féaċ, capall bán, agus boġa ’n‐a láiṁ ag an té do ḃí ar muin air; agus tugaḋ coróin dó: agus do ċuaiḋ sé amaċ ag breiṫ buaḋa agus an ḃuaiḋ ’n‐a ċóṁair.

Agus nuair d’ḟoscail sé an cúigeaḋ séala, do ċonnacas fá’n altóir anmanna na ndaoine do marḃaḋ ar son briaṫair Dé, agus ar son na fiaḋnaise ṫugadar

agus do ġlaoḋadar de ġuṫ árd g‐á ráḋ, Cá ḟaide ḋuit, a Ṁáiġistir naoṁṫa, ḟírinniġ, gan breiṫeaṁnas agus díoġaltas do ḋéanaṁ ar luċt áitreaḃa na talṁan? Agus tugaḋ róba geal do gaċ duine aca; agus aduḃraḋ leo fanaṁain go suaiṁneaċ tamall beag eile, nó go gcóiṁlíontaiḋe méid a gcóiṁ‐ṡeirḃíseaċ agus a mbráṫar do ḃí le marḃaḋ mar iad féin.

Agus do ċuaiḋ capall eile amaċ, capall ruaḋ, agus tugaḋ de ċuṁaċt do’n té do ḃí ar muin air síoṫċáin do ḃaint de’n talaṁ, ċum go marḃóċaḋ na daoine a ċéile: agus tugaḋ claiḋeaṁ mór dó.

óir atá lá mór a ḋíḃeirge tagṫa; agus cia ḟéadas seasaṁ.

Agus nuair d’ḟoscail sé an séaṁaḋ séala, do ḋearcas, agus do ḃí crioṫ mór talṁan ann; agus d’éiriġ an ġrian ċóṁ duḃ le h‐éadaċ róin, agus d’éiriġ an ġealaċ lán cosṁail le fuil; agus do ṫuit réaltana na spéire anuas ar an talaṁ, mar ċaiṫeann crann fige a ċuid figí neaṁ‐aibiḋ nuair luascṫar é le gaoiṫ ṫréin.

Agus nuair d’ḟoscail sé an treas séala, do ċualas an treas ainṁiḋe g‐á ráḋ, Tar. Agus do ḋearcas, agus féaċ, capall duḃ; agus meaḋ i láiṁ an té do ḃí ar muin air. Agus do ċualas mar ḃéaḋ guṫ i lár na gceiṫre n‐ainṁiḋe g‐á ráḋ, Miosúr cruiṫneaċtan ar ṗinginn, agus trí ṁiosúr eornan ar ṗinginn: aċt ná déan doċar do’n ola ná do’n ḟíon.

Agus d’imṫiġ spéir neiṁe mar leaḃar do fillfiḋe ar a ċéile; agus do h‐aistriġeaḋ gaċ cnoc agus gaċ oileán as a n‐ionadaiḃ féin. Agus do ċuaiḋ riġṫe an doṁain, agus na daoine móra, agus na taoisiġ airm, agus na h‐acfuinniġ, agus na daoine tréana, agus gaċ scláḃaiḋe, agus gaċ saor‐ḋuine i ḃfolaċ i gcuasaiḃ agus i gcairrgiḃ na sléiḃte