Popular Bible Verses from THUPHUAN 13

Share

Hi zawn ah hin fimnak hman a ṭulzet. Fimnak a neitu in sahrang nambat ih tican cu an tuat thei, ziangahtile cuih nambat cu mi pakhat hmin ai-ih hmanmi a si ih, a nambat cu zaruk sawmruk le paruk a si.

Cuticun leilungtlun mi hmuahhmuah in sahrang cu an bia ding; asinain leilung seem hlan ihsin nunnak cabu sungih hmin khum ciami pawl cun an bia lo ding; cuih nunnak cabu cu thah a si mi Tuufa-ih ta a si.

Cuih sahrang in mi hmuahhmuah, mitum siseh mite siseh, milian siseh mifarah siseh, sal siseh, miluat siseh, an vorhlam kutah a si lole an cal ah hranhram in hminsinnak a tuah. Cuih hminsinnak an neih lo ahcun zianghman an zuar thei lo ih an lei thei fawn lo; cuih hminsinnak cu sahrang hmin a si lole sahrang hmin ai-ih hmanmi nambat a si.

Sal ih kaih ding ti ciami cu kaih an si ding ih ralnam ih thah ding ti ciami cu thah an si ko ding. Hi bangtuk caanah Pathian minung pawl in thinsau zetih tuar theinak le rintlak sinak an langter a ṭul ngaingai.

Cule tifinriat sung ihsin sahrang a hung suak ka hmu. Ki pahra le lu pasarih a nei; a ki parah cun siangpahrang lukhuh pakhat fingfing an khum ih a lu parah Pathian hmuhsuamnak hmin pakhat fingfing an um.

Cuih tlunah Pathian ih minung pawl do dingah le neh dingah caan an on ih hrin kip, ram kip, ṭong kip, le phun kip tlunah thuneihnak an pek.

Cule pakhatnak sahrang mithmuh rori ih khawruahharza tuah theinak thu an pek ruangah leilung tlunih a ummi minung hmuahhmuah a bum thei a si. Ralnam hriamhma a pu naón a nung thothomi sahrang upatnak ah amah ih zuklem tuah dingah thu a pek. Sahrang pakhatnak lem sungah nunnak thaw thawlut dingah sahrang pahnihnak cu thu an pek ih cuticun a lem cu a ṭong thei ih tlunah amah a bia lotu pawl kha a that ṭheh.

Cuih sahrang cu tlavang a bang; a ke cu savom ke bangtuk a si ih a kaa cu kiosa kaa bangtuk a si. Rulhreng in a neihmi a huham, a siangpahrang tokham le a thuneihnak maksak cu a pek.

Sahrang cu Pathian hmuhsuamnak le hminsiatnak thu kha puarthau zetin rel thei dingah an on ih thla sawmli le thla hnih sung thuneih theinak khal on a si.

Sahrang ih lu pakhat cu thihpi tlak besia zetih hriammi a bang, asinain a cuih a hriamhma cu a dam. Leilung pumpuluk an mang a bang ih sahrang cu an thlun.

Cule sahrang dang pakhat leilung sung ihsin a hung suah ka hmu. Cuih sahrang in tuufa ki bangtuk ki pahnih a nei ih rulhreng bangin a ṭong. Sahrang pakhatnak ih a neihmi a nasa zetmi thuneihnak kha a mithmuh rori-ah a hmang. Thihpi tlak hriamhma a pu naón a hma a dam zomi a pakhatnak sahrang cu leilung le leilung tlunih a ummi hmuahhmuah in an bia dingah a hneek ciamco hai.