Popular Bible Verses from THUPHUAN 12

Share

Kan unau pawl in Tuufa thisen le thutak an phuanmi thawngin nehnak an ngah zo. An nunnak an pe siang ih thih khal an ngam a si.

Cule vancungah aw ringzet ka thei ih, “Pathian ih rundamnak a thleng zo! Pathian in siangpahrang a sinak a huham a langter zo! Messiah ih huham a langter zo! Ziangahtile Pathian hmaiah dingin, a sunzan in kan unau sual a puhtu cu vancung ihsin hlon a si zo.

Rulhreng tumpi, khuahlan rulpi, Khawsia a si lole Satan tiih kawh mi, leilung pumpuluk mibumtu cu van ihsin an hlon. A vancungmi pawl thawn leilungah an vun thlak.

Curuangah vancung le vanih a ummi hmuahhmuah nan lungawi uh! Asinain leilung le tifinriat hrangah cun an hmakhua a va pit so! Ziangahtile Satan nan hnen a rung thleng zo ih, Caan reipi a nei nawn lo ti a theih ruangah a thin a heng ngaingai,” tiah a ti.

Cule vanah raldo awknak a um. Mikhael le a vancungmi pawl in rulhreng cu an do; rulhreng le a vancungmi khal in an do ve.

Rulhreng cu nunau nu parah a thin a heng tuk ih nunau tefa pawl Pathian thukham a thluntu le Jesuh ih phuanmi thutak a rinsantu hmuahhmuah do dingah a pok lala.

Cule vanah khawruahharza thil pakhat a lang. Nunau pakhat a lang ih a thuam cu ni a si; thlapi a ke thuaiah a ret ih arsi hleihnih ih tuahmi siangpahrang lukhuh a khum. Fa a vun ih nau hrin caan a kim. Nauhrin natih a nat ruangah a ai rero.

Cule cuih nunau nu in miphun hmuahhmuah thirfung thawn a uktu dingah fapa a hring. Asinain naute cu an lak ih Pathian le a bawi tokham hnenah an tlanpi. Nunau cu Pathian in hmun a remsak ciami hramlakah a tlan. Cutawkah ni thawngkhat zahnih le sawmruk sung an cawm ding.

Cule vanah a dang khawruahhar hmuhsaknak mak pakhat a lang. Rulhreng sen tumzet, lu pasarih le ki pahra a neimi a lang. A lu pawl cun siangpahrang lukhuh pakhat fingfing an khum. A mei in vanih arsi ṭhenthum ṭhenkhat leilungah a vuak thlak. Nau nei ding nunau hmaiah a ding ih nau a suah vete in deh dingin a bawh.

Asinain nunau nu cu a hrangah rem ciami hramlakih zuannak dingah a tum zetmi mupiih thla pahnih an pek. Cutawkah rulhrengih siatsuah thei lo dingin kum thum le a hrek sung an kilkhawi ding. Cule nunau nu cu tilian in fenseh tiah rulhreng in a kaa sung ihsin tidai a suahter ciamco. Asinain nunau nu bawm dingah leilung cu a kaa a ang ih rulhreng kaa sungin a suakmi tidai cu a rak dolh ṭheh.