Popular Bible Verses from MIPUM SIARNAK 14

Share

Curuangah BAWIPA cu dodal hlah uhla cutawk ramih a ummi pawl tla cu ṭih hlah uh. Olte in kan neh ko ding. BAWIPA cu kan hnenah a um ih anmah humhimtu an khawzing pawl cu a siatsuah thluh zo a si. Ṭih hrimhrim hlah uh,” tiah an ti.

BAWIPA, nang cun ‘Thinheng ol mi ka si lo, duhdawtnak neimi ka si, rinsan tlak ka si, sualnak le dodalnak ngaithiamtu ka si ih pupa sin sual ruangah san thum san li tiang an tesinfa pawl tlolh loih a hremtu ka si fawn,’ tiih na rak ti vek khan, maw BAWIPA, na huham le na thiltitheinak cu run langter awla in tiamciami cu kimter hram aw.

BAWIPA cu kan parih a lung a awi a si ahcun Amah in in hruai ding ih cawhnawi le khuaitizu in a khatmi ram cu in thlenpi ding ih in pe ding.

Asinain ka salpa Kaleb cu a ruahnak phundangte a si ih a thinlung zatein i thlun a si. Curuangah a va zohmi ram cu ka thlengter ding ih a tesinfa pawl in cuih ram cu an co ding.

Curuangah an hnenah, ‘A nungmi Pathian ka si ih siatcam in thu ka lo kam: Ka hnenih nan dil vek cekci in nan parah ka tuah ding. BAWIPA a si mi keimah in ka ṭong zo.

Cutikah BAWIPA in Moses hnenah, “Hi minung pawl in ziangtik tiangso in nautat ding? An lakah mangbangza tampi ka tuah zo naón keimah rinsan duh loin ziangtik tiangso an um ding?

Moses le Aaron parah an phunzai ih, “Izipt ramah khan rak thih sawn taak ding. Culo talle hramlak ahhin thi sawn nungna a ṭha ding naón!

Cun Kanaan ram zoh dingih an thlahmi lakih a tel vemi pahnih, Nun ih fapa Joshua le Jefunneh ih fapa Kaleb cu an riahsiat tukah an hnipuan an thlek ih, Israel misenpi hnenah cun, “Kan va zohmi ram cu ram ṭha ngaingai a si.

Sikhalsehla a nungmi Pathian ka si ih ka sunlawinak huham in leilung cu a khuh thluh ruangah ka hmin in thu ka lo kam: Kanaan ram an luh tikah himi pawl cu zohman a nungmi an um lo ding. Izipt ram ah siseh, hramlak nelrawn ah siseh, mangbangza ka tuah mi le ka sunlawinak tleuvar cu an hmu ṭheh ko naón in rinsan lo ih in zum duh hrimhrim lo. Keimah sawn voisawm le voiza in hniksak a si. An pu le an pa hnenih ka kam ciami ram cu an thleng hrimhrim lo ding.