Popular Bible Verses from MIPUM SIARNAK 13

Share

Cule Moses hmaiah misenpi pawl cu an phunzai ciamco. Cutikah Kaleb in dai koin a tuah hnuah, “Cumi pawl cu atu rori ah kan do pei ih an ram cu kan lak mai ding. Anmah neh dingah cun kan cakzet pam a si,” tiah a ti.

Kan hmuhmi minung hmuahhmuah cu mitum le misang zetzet an si ih Anak ih tesinfa pawl tla cu mikei an si ko. Kannih tla cu an hnenah cun kharbok tluk fang kan si ih annih ih in hmuhnak khalah cu thotho kan si ko ding,” tiah an ti.

Sikhalsehla Kaleb thawn a feh vemi Israel hruaitu pawl cun, “Sihlah ee, annih do dingah kan cak lamlam lo; kannih hnakin an cak deuh ngaingai a si,” an ti.

Cutiin an va zohmi ram thu cu Israel misenpi hnenah thinnau dingin a dik lo zawng in an sim. Annih in, “Kan hung thlingthlakmi ram cu an ram sung minung pawl hman a dolhthluhtu ram a si.

Moses hnenah, “Zoh dingih in thlahmi ram cu kan va zoh ih cawhnawi le khuaitizu in a khatmi ram a si. Thingrah pawl tla hinah kan rak keng.

Asinain cutawkih a ummi pawl cu micakzet an si. An khawpi tla cu an tum zetzet ih ralhruang ih kulhmi fekfek an si. Cuih tlunah mikei vekih mitum zetzet pawl tla kan hmu.

Amalek mi pawl cu an ram thlanglam ah an um. Hit mi, Jebus mi le Amor mi pawl cu tlangpar ram ah an um ih Kanaan mi pawl cu Mediterranean Tifinriat kiangah le Jordan Tiva kap tluanah an um,” tiah an ti.

Moses le Aaron le Israel misenpi rak umnak Paran nelrawnih an riahnak hmun Kadesh ahcun an ra thleng. An hmuhmi hmuahhmuah cu an sim ih an rak phurhmi thingrah pawl cu an hmuh.