Popular Bible Verses from JOSHUA 10

Share

A ti vekin Israel mi pawl in an ral pawl an neh thluh hlan lo ni cu a ding ih thlapi cu a cawl ngaingai. Hi thu cu Jashar Cabu sungah an ngan a si. Ni cu feh nawn loin van laifangah ni khat pumhlum a cawl.

Pathian bomnak in Israel mi in Amor mi pawl an neh ni ahcun Israel mi pawl theihhngan ah Joshua in BAWIPA ih hnenah hiti in a au: “Maw Ninu, Gibeon khua tlunah ding law; Maw Thlapa, Aijalon Horkuam tlunah cawl law,” tiah a ti.

A cuih sun bangtuk, Pathian in Israel mi a ṭan ih BAWIPA in milai ih thu a ngai caan, leilung hramthawh ihsin a um dah keel lo. BAWIPA cu Israel lam ṭangin ral a do a si.

Cule BAWIPA in Joshua hnenah, “Na thin phang hlah. Nehnak ka lo pe zo a si. Zohman a lo do theitu an um lo ding,” a ti.

Cutikah Joshua in an hnenah, “ṭih hlah uhla nan tha khal nau hlah seh. Cak uhla nan ral ṭha uh, ziangahtile nan ral pawl parah BAWIPA in hi bangtuk in a tuah ṭheh ding a si,” tiah a ti.