Popular Bible Verses from EZEKIEL 37

Share

Anih in, “Ruh pawl hnenah profet ṭong in phuangsuak aw. BAWIPA ih ṭongkam ngai dingah hi ruh ro pawl hi sim aw. Cungnungbik BAWIPA keimah in an hnenih ka ṭongmi cu hiti in a si, an hnenah sim aw: Nan sungah thaw ka khum ding ih ka lo nungter ding.

Thahri ka lo pe ding, titsa in ka lo tuam ding ih vun in ka lo khuh ding. Nan sungah thaw ka khum ding ih nan nungsal ding. Cuticun BAWIPA ka si hi in thei ding,” tiah i ti.

Anih in, “Milaipa, hi ruh pawl hi an nung thei sal pei maw?” tiah i sut. Kei in, “Cungnungbik BAWIPA, nangmah lawngin na thei,” tiah ka sawn.

Pathian ih ban thacak cu ka hnenah a um; a thlarau in i lak ih ruh hlir in a khatmi phairawn ah i ret. Cuih phairawn hmun kipah i hruai ih ruh tam ngaingai ka hmu, cuih ruh pawl cu an ro ngaingai.

Curuangah i sim vekin profet ṭong in ka phuang. Cutiih ka phuan laiah rinlopi in khawng-aw ruihromi thawmvang ka thei ih ruh pawl cu pakhat le pakhat an peh aw rupro. Ka zoh cuahco laiah cun ruh pawl cu thahri an hun nei ih titsa in a tuam ih vun in a khuh hai. Asinain an ruangpi sungah cun thaw a um lo.