Popular Bible Verses from EZEKIEL 34

Share

“A hlomi tuu pawl ka hawl ding, a vakvaimi pawl ka hruaikir ding, hma a neimi pawl an hma ka tuamsak ding ih a nami pawl ka damter ding; asinain a thaumi le a cakmi pawl cu ka tisiat ṭheh ding, ziangahtile kei cu a dingmi tuahtu tuukhal ka si.

Tuukhal in a vakvaimi tuu pawl cu a zohṭha ih a hruaikhawm bangin ka tuah ve ding. Khawthim le siatralnak ni ih ṭhekdarh ṭheh an rak sinak hmunkip ihsin ka hruaikhawm ṭheh ding.

“Cungnungbik BAWIPA keimah in ka lo sim: Keimah rori in ka tuu pawl cu ka hawl ding ih ka kilkhawi ding.

Ka tuu pawl khaaltu cu keimah ka si ding ih colhnak hmun khal ka hawl sak ding. Cungnungbik BAWIPA keimah in ka sim zo.

“Nannih ka tuu pawl, ka cawmmi ka tuurual pawl cu ka minung nan si ih Keimah hi nan Pathian ka si,” tiah Cungnungbik BAWIPA in a ti.

“Milaipa, Israel uktu pawl an ṭhat lo zia hi sim aw. Profet ṭong in simsuak awla Cungnungbik BAWIPA keimah in an hnenih ka ṭongmi hi sim aw: Nannih Israel tuukhal pawl, nan cem a si! Nanmah le nanmah cu nan kilkhawi aw zet naón nan tuu pawl cu nan kilkhawi dah lo.