Popular Bible Verses from EZEKIEL 18

Share

Zohman nan thih ding ka duh lo. Nan sualnak sir uhla nung uh,” tiah Cungnungbik BAWIPA in a ti.

Midang si loin a sualtu lawng a thi ding. A pa ih sualnak ruangah a fapa a tuar lo ding; cuvek ṭhiamṭhiam in a fapa ih sualnak ruangah a pa in a tuar ve lo ding. Mi ṭha cu a ṭhatnak ruangah laksawng a ngah ding ih miṭha lo cu a ṭhatlonak ruangah a tuar ding.

Thil ṭha lo nan tuah ringringmi pawl hi tlansan thlang uhla thinlung thar le ruahnak thar nei thlang uh. Israel mi pawl, ziangah so thih cu nan duh?

Mi ṭha lo pakhat a thih tikah lung awi dingah maw si in ruat? Si hrimhrim hlah; sir aw in nung sehla ka duh sawn a si,” tiah Cungnungbik BAWIPA in a ti.

“Mi ṭha lo pakhat in thilsual tuah a bansan ih ka daan pawl thlun in thil ding le thil ṭha a tuah ahcun a thi lo ding, a nung tengteng ding.

Cuvek milai cun ka thupekmi a tuah ih ka daan feltein a thlun. Miding a si ih a nung ding,” tiah Cungnungbik BAWIPA in a ti.