Popular Bible Verses from DAAN PEKSALNAK 4

Share

Cutawkah cun BAWIPA nan Pathian cu nan hawl ding ih nan thin le nan lung taktein nan hawl ahcun Amah cu nan tong ding.

BAWIPA cu mi zaangfahtu Pathian a si. A lo thlahthlam in a lo siatsuah lo ding; nan pupa hnenah amah rori in thukamnak a tuah mi tla a hngilh lo ding.

Ziangahtile BAWIPA nan Pathian cu thiik neimi Pathian a si ih ziang hmuahhmuah a kangraltu meisa vek a si.

Curuangah ralring uh! Nan nunsung hmuahhmuah ah nan mit rori in nan hmuh zomi thil pawl cu hngilh hrimhrim hlah uh; ciing ringring uh. Nan faate pawl le nan tesinfa pawl zirh ṭheh uh.

Curuangah BAWIPA cu vancung le leitlun ah Pathian a si, ti kha ciing ringring uhla hngilh hrimhrim hlah uh. Pathian dang a um hrimhrim lo a si.

“Ziangbangtuk ih miphun tum an si khalle BAWIPA kan Pathian vekih kan kawh tinte in in naihtu Pathian cu an nei cuang lo ding. Bom dingih kan kawh tinte in in thei a si.

Asinain vansannak nan ton tikah le hi thil hmuahhmuah nan parih a thlen tikah a netnak talah BAWIPA ih hnenah nan hoikir sal ding ih a thu cu nan ngai ding.

Ka thupekmi tlunah zianghman beet hlah uh, a suup khal suup hlah uh. BAWIPA nan Pathian ih thupekmi ka lo simmi cu thlun thluh uh.