Popular Bible Verses from DAAN PEKSALNAK 30

Share

Atu-ah nan hril dingah nunnak le thihnak, a si lole Pathian thlawsuahnak le camsiatnak ka lo pek ih nan hrilmi theihpitu-ah lei le van ka ko a si. Nunnak hril uh. Cuticun nanmah le nan tesinfa pawl nan nung ding. BAWIPA nan Pathian cu duhdaw uhla a thu ngai in amah cu pomhnget uh. Pathian cu nan nunnak a si ih nan pupa Abraham, Isaak le Jakob hnenih a kam ciami ramah kum reipi nanmah le nan tefa pawl nunkhawsau-ih nan um ding,” tiah a ti.

BAWIPA nan Pathian ih thukham, tuih sunih ka lo pekmi hi nan thlun ih amah nan duhdawt, a thu nan ngai ih a daan nan tuah a si ahcun nan ṭhangso ding ih miphun tumzet ah nan cang ding. BAWIPA nan Pathian in nan luah dingmi ramah hin mal a lo sawm hai ding.

“Tuih sunah a ṭha le a sia, nunnak le thihnak hril dingin nan hnenah ka lo pek a si.

A naite ah a um: nan kaa sung le nan thinlung sungah a um. Nan thlun ding lawng hi a sam a si.

Nan thinlung zate le nan nunnak zatein nan duhdawt theinak dingah le nan nun theinak dingah BAWIPA nan Pathian in nanmah le nan tefa pawl ih thinlung cu serhtannak a tuah ding ih amah ih thu ngai duhnak thinlung a lo pe ding.

Nan ṭuannak kipah BAWIPA in hlawhtlinnak a lo pe ding ih tefa le ṭilva tampi nan nei ding ih nan lo in rawl tampi a suah ding. Nan pu le nan pa pawl neinung zetih a tuah hai tikah khan a lung a awi bangtuk in nannih pawl neinung zetih tuah ding khalah a lung a awizet ding.

Sikhalsehla a thu nan ngai lo ih nan thinlung hmundang hoi in khawzing dangdang tla nan biak a si ahcun, tuih sunah hin feltein ka lo sim: nan cimit thluh ding a si. Nan luah dingmi ram Jordan Tiva ralah khin caan sau nan nung lo ding.

“Tuih sunih ka lo pekmi daan hi a har tukmi a si lo; nan thlun thei lo dingmi khal a si lo.

A sang tukih van a dai ti khal a si lo. ‘Kan hna in kan thei ih kan thlun theinak dingah zoso a hung kai ding ih kan hrangah a run ṭhum ding?’ nan ti ding a um lo.

Tipithuanthum ralih a ummi khal a si lo. ‘Kan hna in kan thei ih kan thlun theinak ding zoso tipithuanthum ralah feh tahrat in kan hrangah a rak keng ding?’ nan ti ding a um lo.