Popular Bible Verses from 1 JOHAN 5

Share

Kannih cu Pathian hmaiah ralṭhatnak kan nei, ziangahtile amah ih duhnak thawn mil-aw in kan dil ahcun kan dilnak kha in theih sak ṭheh a si, tihi fiangtein kan thei.

Amah kan dil tinten in theih sak; cule in theih sak ti kan theih ruangah kan dilmi hmuahhmuah in pe a si, ti khal kan thei.

Ziangahtile Pathian kan duhdawt ti cu a thupekmi kan thlun tinak a si. A thupekmi cu kan hrangah thlun har a si lo, ziangahtile Pathian fa a si mi poh in khawvel kha an neh thei. Cule kan zumnak thawngin kannih cu khawvel nehtu kan si.

Zokhal Fapa a neitu cu nunnak a nei; Pathian Fapa a nei lotu cu nunnak a nei lo.

Pathian Fapa a zumtu in kumkhua nunnak kan nei ti nan theihnak dingah hi cakuat hi nan hnenah ka ngan.

Pathian faate a si mi cu sualnak tuah vivo in a nung nawn lo ti kan thei, ziangahtile Pathian Fapa in a hum ih Satan in a siatsuah thei lo.