Popular Bible Verses from Filipianji 4

Share

Nu vã angulcits trã tsiva, ma spunets-lã cãftãrili a voastri a Dumnidzãlui cu rugãciuni, cu spigiurari sh-cu hãristisiri.

Pacea a Dumnidzãlui tsi treatsi cathi aducheari, va s-veaglji ininjli sh-minduirili a voastri tu Hristolu Isus.

Tu soni, frats sh-surãri, minduits tuti cãti suntu dealihea, cãti suntu tinjisiti, cãti suntu ndreapti, cãti suntu curati, cãti suntu vruti, tuti atseali tsi au numã bunã, cãti suntu virtusiti sh-cãti suntu axii trã alãvdari. Minduits trã aesti lucri.

Mini pot s-fac itsido prit Hristolu tsi mi nvãrtusheashti.

Hãrsits-vã totãna tu Domnul. Ma vã dzãc dinou: Hãrsits-vã!

Dumnidzãlu a meu va si mplineascã prit Hristolu Isus tuti ananghili a voastri dupã averili a lui mãriti.

Atseali tsi loat, nvitsat, avdzãt sh-vidzut di la mini, fãtsets-li. Sh-Dumnidzãlu a paciljei va hibã cu voi.

Frunimeatsa a voastrã s-hibã cunuscutã di tuts. Domnul easti aproapi!

Mini shtiu tsi va s-dzãcã s-hii tu ananghi, shi shtiu tsi va s-dzãcã tu bulãchi. Mini am nvitsat s-hiu hãrsit tu itsi halã sh-tu itsido, sh-cãndu escu fãnãtit, sh-cãndu escu tu foami, cãndu am cu bulãchi sh-cãndu escu tu ananghi.

Nu u dzãc aestã cã escu tu ananghi, cã mini am nvitsat s-hiu hãrsit tu itsi halã.