Popular Bible Verses from Colosianji 1

Share

Elu nã scoasi di putearea a scutidlui sh-nã strãmutã tu amirãriljea a Hiljilui a lui vrut

cã tu nãsu s-adrarã tuti atseali cai suntu tu tseruri sh-atseali di pri loc, atseali vidzutili sh-atseali nividzutili, thronurili, domnilji, printsipãtsili sh-autoritãtsili. Tuti suntu adrati prit nãsu sh-trã nãsu.

Elu easti nãinti di tuti faptili, sh-tuti sta deadun tu nãsu.

Elu easti icoana a nividzutlui Dumnidzã, prot-amintat a tuti fãpturilor

Trã atsea sh-noi di dzua tsi nvitsãm aestã nu pãpsim s-nã rugãm trã voi sh-lji cãftãm a Dumnidzãlui s-vã mplineascã cu tut cunushtearea a vreariljei a lui prit tutã frunimeatsa sh-aduchearea tsi Duhlu nã da. Ashãtsi voi va putets s-fãtsets unã banã ti hãiri trã Domnul, tra s-lji arsits tu itsido, aducãnda carpo tu cathi faptã bunã sh-crishtãnda tu cunushtearea a Dumnidzãlui.