Popular Bible Verses from Luca 8

Share

Iarã simintsa tsi cãdzu tu loc bun suntu atselji tsi, dupã tsi lu ascultã zborlu, lu apãrã tu inimã tinjisitã sh-bunã sh-da carpo cu arãvdari.”

Fara tsi ari cãdzutã ntru schinji suntu atselji cai lu avdzãrã zborlu, ma, pri cali lji acatsã anasa angulcirili, avearili sh-chefea a banãljei sh-nu agiungã s-coacã.

Atselji dit loc chitros suntu atselji tsi, cãndu avdu, lu ashteaptã zborlu cu harauã. Ma atselji nu au arãdãtsinã, pistipsescu di putsãn chiro, ma tu oara a provãljei s-trag nãpoi.

Apoea Isusul lã dzãsi a ucenitsilor a lui: “Iu easti pistea a voastrã?” Sh-elji lãhtãrsits sh-thãvmãtisits dzãtsea cu un-alantu: “Cai va hibã aestu, tsi ordinã vimtul sh-apa sh-aesti lu ascultarã?”

Atselji ningã cali suntu atselji tsi lu avdã zborlu, ma, apoia yini draclu sh-lã-u ljea zborlu dit inima a lor, tsi elji s-nu pistipseascã shi s-nu s-ascapã.

Cã nu ari tsiva ascumtu tsi nu va s-dizvãleascã, sh-vãrã tsiva ascumtu tsi nu va s-cunoascã sh-nu va easã tu lunjinã.

Atumtsea muljearea, vidzãnda cã nu putea s-ascundea, vini cu trimurari sh-cãdzu la cicioarili a lui. Ea dzãsi nãintea a tut popului, trã tse deadi di nãsu sh-cum eara vindicat trãoarã. Sh-Isusul lji dzãsi: “Hilje, pistea a ta ti vindicã. Duti tu pace!”

Atumtsea elji lji s-apruchearã, lu dishtiptarã sh-lji dzãsirã: “Nvitsãtore, nvitsãtore ma nã nicãm!” Sh-elu s-dishtiptã, lji vãrghi a vimtului sh-a vãljiurilor turbati, sh-aesti tãcurã shi s-featsi buneatsã.