Popular Bible Verses from Luca 14

Share

“Macã vãrã yini dupã mini sh-va ma multu di mini tatãl sh-muma a lui, muljearea sh-cilimenjlji, fratslji sh-surãrili a lui, ninga sh-bana a lui, nu poati s-hibã uceniclu a meu.

Sh-cai nu u-tsãni crutsea a lui tra s-yinã dupã mini, nu poati s-hibã uceniclu a meu.

Cã caitsido tsi va s-analtsã, va s-apleacã, sh-caitsido tsi va s-apleacã, va s-analtsã.”

Ashãtsi, caitsido di voi tsi nu poati s-mutã mãna di atseali tsi ari, nu poati s-hibã uceniclu a meu.

Cai di voi, macã va s-adarã unã culã, nu sheadi ma nãinti s-lugurseascã hãrgiuirili shi s-veadã macã ari pãradz trã ascãpari cula? Altã soi, macã ari arcatã timeljilu sh-nu poati s-u ascapã, va l-pizueascã tuts atselji tsi va lu veadã, sh-va dzãcã: ‘Aestu om ahurhi s-adarã casã ma nu putu s-u ascapã.’

Trã atsea, cãndu fats unã uspetsi acljeamã oarfãnjlji, sãcatsilji, shcljiochlji sh-orghilji. Atumtsea, va s-hii ghinicuvintat cã elji nu au cum s-ts-u toarnã arãsplata, ma arãsplãtirea va tsã si da tu nyearea a ndreptsãlor.”

Sarea easti bunã, ma macã cheari njiurizma, cum poati s-u amintã nãpoi? Ea nu axizeashti nitsi tu loc nitsi tu cuprii, ma easti trã arcari. Cai ari ureclji trã avdzãri, s-avdã!”